اتاقتى عالىم بەيسەمباي كەنجەباي ۇلىنا مەموريالدىق تاقتا قويىلدى

بۇل كۇنگى رۋحاني را­سىمگە الماتى، نۇر-سۇل­تان قالالارىنان عالىم­نىڭ ۇر­پاقتارى قايرات قا­دىر­بەكوۆ، جانار جۇماباەۆا، ءادىل بەكتۇروۆتار ارنايى كە­لىپ قاتىستى.

تاعزىم تاقتانىڭ اشىلۋ سالتاناتىنا جينالعان زيالى قاۋىم وكىلدەرى بەيسەمباي كەنجەباي ۇلىنىڭ ەسىمى بۇل وڭىردە ايرىقشا قۇرمەتتەلەتىنىن، ويتكەنى 25 جاسىندا پاۆلودار وكرۋگىنىڭ «كەڭەس تۋى» گازەتىنىڭ تۇڭعىش رەداكتورى رەتىندە بەكىتىلىپ، 1929 جىلى 15 اقپاندا با­سىلىمنىڭ العاشقى نومىرىنە قول قويعانىن اتاپ ءوتتى.

ونەگەلى جاننىڭ ءومىر­بايانىنا كوز سالساق، وڭتۇستىك قازاقستان وبلىسى، ورداباسى اۋدانى، بوگەن اۋىلىندا تۋ­عان. ستۋدەنت كەزىمىزدە ال­ما­تىدا وقىعاندا عالىم اتا­مىزدىڭ لەكتسيالارىن بىزدەر دە تىڭداعان ەدىك.

عالىم قازاق ادەبيەتىنىڭ، ۇلت ءباسپاسوزىنىڭ تاريحىنا ارنالعان كوپتەگەن عى­لىمي جازبالاردىڭ، اباي، سۇل­­تانماحمۇت، جامبىل، مۇحا­مەدجان سەرالين، مۇح­تار اۋەزوۆتەردىڭ ءومىرى مەن شى­عارمالارى تۋرالى زەرت­تەۋ­لەردىڭ اۆتورى ەكەنى بەل­گىلى.

كەڭەستىك كەزەڭدە قازاق ادەبيەتىنىڭ تاريحى بۇحار جىراۋدان باستالادى دەگەن پىكىردى تەرىسكە شىعارىپ، ونىڭ ورحون-ەنيسەي جازبالارىنان تامىر تارتاتىنىن عى­لىمي تۇرعىدان دالەل­دەگەن. كوركەم پروزا جانە اۋدارما سالاسىندا دا كوپ ەڭبەك ەتتى.

ال ۇرپاعى قايرات قا­دىر­بەكوۆ اتاسىنىڭ ەلىمىز­دىڭ ادەبيەت عىلىمىندا ءوز مەك­تەبىن قالىپتاستىرعانىن ايت­تى. «بەيسەنباي اتامىز قازمۋ-دا قىزمەت اتقارىپ، ستۋدەنتتەرگە لەكتسيالارىن وقىپ جۇرگەن كەزدە 42 عىلىم كانديداتىن، 3 عىلىم دوكتورىن دايىنداپتى. ولار – مۇحتار ماعاۋين، مىرزاتاي جول­داسبەكوۆ، الما قىراۋ­باەۆا سياقتى ەلگە تانىمال تۇلعالار. ول كىسىنىڭ ءوز ۇس­تازدارى دا مىقتى، كەزىندە مىرجاقىپ، بەيىمبەتتەردىڭ جانىندا ءجۇردى. ۇلتتىق رۋحتى ۇرپاعىنا جەتكىزۋدە ايانباي تەر توكتى. عۇمىرىن ۇلت ادەبيەتىنە، ۇلتتىق جاڭ­عىرۋعا ارناعان تۇلعاعا قۇر­­مەت كورسەتكەن سىزدەرگە بەيسەنباي كەنجەباەۆتىڭ وڭ­تۇستىكتەگى ۇرپاقتارىنىڭ سا­لەمىن جەتكىزىپ وتىرمىن. سىز­دەرگە العىس بىلدىرەمىز»، دەدى ول اعىنان جارىلىپ.

گازەتتىڭ العاشقى ءنومى­رىنىڭ جارىق كورۋىنە، سودان كەيىنگى جىلدارى وكرۋگتىك پارتيا كوميتەتىنىڭ بيۋرو مۇشەسى بولعان امىرعالي ەپ­ماعان­بەتوۆ، وكرۋگتىك پارتيا كو­مي­تەتى ۇگىت-ناسيحات ءبولى­مىنىڭ مەڭ­گەرۋشىسى كارىم اجى­بەكوۆ­تەر زور كومەك كور­سەتكەن. كەيىن­نەن بۇل ازا­ماتتار گازەت جۇ­مى­سىنا بەلسەنە ارالاسىپ، جىلدار بويى رەداكتسيا ال­قا­سىنىڭ تۇراقتى مۇشەسى بولادى.

«سونىمەن «كەڭەس تۋى­نىڭ» ءبىرىنشى ءنومىرىن امىر­عالي، كارىم ۇشەۋىمىز قول قو­يىپ شىعارعان ەدىك»، دەپ بەي­سەمباي كەنجەباەۆتىڭ ءوزى ەستەلىك جازعان.

وبلىستىق Saryarka samaly گازەتتىڭ رەداكتورى نۇربول جايىقباەۆتىڭ ايتۋىنشا، بۇگىندە رەداكتسيا قورىندا ب.كەنجەباي ۇلىنىڭ سول كەز­­دەگى قىزمەتىنە قاتىستى وب­لىستىق مەملەكەتتىك ارحيۆ­تەن تابىلعان بىرنەشە جەكە دەرەكتەرىنىڭ كوشىرمەسى ساقتالعان.

سالتاناتتى شارا سو­ڭىن­دا Nur Otan پارتيا­سى وبلىستىق فيليالى تور­اعاسىنىڭ ءبىرىنشى ورىنباسارى يليا تەرەنچەنكو، پارلامەنت سەناتىنىڭ دەپۋتاتى التىنبەك نۋح ۇلى جانە جەرگىلىكتى زيالى قا­ۋىم وكىلدەرى مەن جۋرناليس­تەر تاعزىم تاقتاسىنا گۇل شوق­تارىن قويدى.

پاۆلودار