بيزنەس • 26 قازان، 2021

قازاقستاندا MBA باعدارلاماسىن VR فورماتىندا وقۋعا بولادى

114 رەت كورسەتىلدى

ەلوردادا كازگيۋ بيزنەس-مەكتەبنىڭ بازاسىندا جۇزەگە اساتىن مۆا باعدارلامالارىنىڭ پرەزەنتاتسياسى ءوتتى، دەپ حابالايدى Egemen.kz.

پرەزەنتاتسيا بارىسىندا بيزنەس-مەكتەپ فرانتسيا، اقش جانە يسپانيا سىندى الپاۋىت ەلدەردىڭ ۋنيۆەرسيتەتتەرىمەن سەرىكتەستىك تۋرالى كەلىسىمشارتقا قول قويۋ جولىندا ەكەنى بەلگىلى بولدى. وسىلايشا، جاقىن ارادا MBA ستۋدەنتتەرىنىڭ كازگيۋ قابىرعاسىندا وقىپ جۇرگەن كەزەڭىندە ەكىنشى ديپلوم الۋىنا مۇمكىندىك بەرەتىن مەملەكەت تاڭداۋ قۇقىعى بولادى. قازىرگى تاڭدا كازگيۋ-دە ەكى ديپلومدىق ءبىلىم الۋ مۇمكىندىگى شۆەيتساريالىق University of Business and International Studies-پەن بىرگە جۇزەگە اسىرىلىپ جاتىر.

بۇگىندە بيزنەس-مەكتەپ مۆا-ءدىڭ ەكى نەگىزگى باعدارلاماسىن ۇسىنىپ وتىر. ءبىرىنشىسى – جاس ماماندار مەن باسشىلارعا ساي كەلەتىن كلاسسيكالىق ەكى جىلدىق ءبىلىم باعدارلاماسى. ول 20 مودۋلدەن تۇرادى. ونىڭ 15 ءمودۋلىن شەتەلدىك ماماندار جۇرگىزەدى. وعان قوسا، باعدارلامادا 1 شەتەلدىك مودۋل بار. ياعني، بۇل ستۋدەنت ۋنيۆەرسيتەت سەرىكتەستىك قارىم-قاتىناس ورناتقان ءبىر ەلگە بارا الادى دەگەن ءسوز.

Executive MBA دەپ اتالاتىن ەكىنشى باعدارلاما ستۋدەنتتەر تاراپىنان جوعارى سۇرانىسقا يە بولدى. 18 مودۋلدەن تۇراتىن بۇل باعدارلاما بيزنەس يەلەرى مەن كومپانيالاردىڭ توپ-مەنەدجەرلەرىنە ارنالعان. Executive MBA ەرەكشەلىگى – مۇندا جوعارىدا اتالعان 4 ەلگە بارۋعا مۇمكىندىك بەرەتىن 3 شەتەلدىك مودۋل بار. ول حالىقارالىق قارىم-قاتىناستى قامتۋ مەن نەتۆوركينگ مۇمكىندىكتەرىن ارتتىرادى.

كازگيۋ بيزنەس-مەكتەبىنىڭ ديرەكتورى الينا ابدراحمانوۆا مۆا باعدارلامالارىنداعى ءبىلىم بەرۋ ارالاس-ونلاين جانە وفلاين فورماتتا ءجۇرىپ جاتقانىن اتاپ ءوتتى. 

«Zoom پلاتفورماسى ونلاين ءبىلىم بەرۋ ءۇشىن ىڭعايلى، بىراق ونىڭ وزىندىك ەرەكشەلىكتەرى بار. مىسالى، كامەرا مەن ميكروفوندى ءوشىرىپ، باسقا جۇمىستارمەن شۇعىلدانۋ وڭاي. ءبىزدىڭ ماقساتىمىز – ادامنىڭ ءوزىن ساباقتا وتىرعانداي سەزىنۋىن قامتاماسىز ەتۋ جانە سول ارقىلى وقىتۋشىلارمەن ۆەربالدى كوممۋنيكاتسيا ورناتۋ اسەرىن جاساۋ. وسى يدەيانى جۇزەگە اسىرۋ ماقساتىندا جۇمىستىڭ جۇرگىزىلىپ جاتقانىنا ءبىر جىلعا جۋىق ۋاقىت ءوتتى. بۇل ستارتاپتى ىسكە قوسۋ ءۇشىن سينگاپۋر ينۆەستيتسيالىق قورىنان قولداۋ تاپتىق. اتالعان يننوۆاتسيالىق جوبا كازگيۋ بيزنەس-مەكتەبىنىڭ اياسىندا ىسكە اسادى»، دەدى الينا ابدراحمانوۆا.

ايتا كەتسەك، Executive MBA باعدارلاماسىنا وقۋعا ءتۇسۋدى جوسپارلاپ جۇرگەن ايەل ادامدارعا 1 200 000 تەڭگە كولەمىندە ارنايى گرانت بولىنەدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار