سپورت • 26 قازان، 2021

دۇنيەجۇزىلىك رەيتينگ جاڭاردى

38 رەت كورسەتىلدى

تەننيسشىلەردىڭ دۇنيەجۇزىلىك رەيتينگى قايتا جاڭارتىلدى. ەرلەر مەن ايەل­دەر­دى قوسا العاندا، قازىرگى كەزدە قازاق­­ستاننىڭ ءتورت وكىلى «توپ-100» ويىن­شىنىڭ قاتارىندا ەنىپ وتىر.

جەرلەستەرىمىزدىڭ اراسىندا ەڭ ۇزدىك كور­سەتكىش ەلەنا رىباكيناعا تيەسىلى. جۋىر­­دا ماسكەۋدە وتكەن كرەمل كۋبوگى ءۇشىن جارىستاعى ساتسىزدىگىنەن كەيىن ول ەكى ساتىعا تومەندەپ، 19-ورىندى يە­لەنۋدە. اتالعان ءتۋرنيردىڭ ءۇشىنشى كەزە­­­ڭىنە دەيىن جەتكەن يۋليا پۋتينتسەۆا 44-ورىنعا تۇراقتاسا، زارينا دياس «توپ-100» تەننيسشىنىڭ قاتارىنا قايتا قو­سىل­دى. ەس­تەرىڭىزگە سالا كەتەيىك، زا­ري­نا كۇنى كەشە عانا اقش-تا وتكەن ءتۋر­نير­دىڭ في­نالىنا شىعىپ، شەشۋشى تۇستا جەر­گىلىكتى تەننيسشى مەديسون برەنگل­دەن جەڭىلگەن بولاتىن. ال WTA رەي­تين­گىن­دەگى ۇزدىكتەر كوشىن اۋس­ترا­ليالىق ەشلي بارتي باستاپ تۇر. ودان كەيىنگى سا­­تى­لارعا بەلورۋسسيانىڭ بەت­كە ۇستارى ارينا سوبولەنكو، چەحيانىڭ قوس مىق­تىسى – كارولينا پليشكوۆا مەن بار­بورا كرەي­چيكوۆا جانە يسپانيالىق گاربينە مۋگۋرۋسا جايعاستى.

اتر رەيتينگىندە سەربيانىڭ ساڭلاعى نوۆاك دجوكوۆيچكە تەڭ كەلەر ەشكىم تابىلار ەمەس. ونى رەسەيلىك دانيل مەدۆەدەۆ وكشەلەپ كەلەدى. سونداي-اق ۇزدىك بەستىكتىڭ قاتارىندا گرەكيالىق ستەفانوس تسيتسيپاس، گەرمانيالىق الەكساندر زۆەرەۆ جانە يس­پا­نيالىق رافاەل نادال بار. ال قازاق­­ستان­دىقتار اراسىندا تەك الەكساندر بۋب­ليك­تىڭ عانا قارقىنى جامان ەمەس. بۇل كۇندەرى ول 34-ورىندا.

سوڭعى جاڭالىقتار

ۇقساس جاڭالىقتار