قوعام • 25 قازان، 2021

ەلوردادا ارمين ۆامبەريگە ارنالعان كونفەرەنتسيا وتەدى

76 رەت كورسەتىلدى

ماجارستاننىڭ قازاقستان رەسپۋبليكاسىنداعى ەلشىلىگى، حالىقارالىق تۇركى اكادەمياسى جانە نازارباەۆ ۋنيۆەرسيتەتى 2021 جىلدىڭ 27 قازانىندا  قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا كورنەكتى ماجار تۇركولوگى ارمين ۆامبەريگە ارنالعان كونفەرەنتسيا مەن كورمەنىڭ اشىلۋ ءراسىمىن وتكىزەدى، دەپ حابارلايدى Egemen.kz.

ءىس-شاراعا ماجارستان ەلشىلىگىنىڭ ۋاقىتشا سەنىمدى وكىلى انيكو دەنگە، حالىقارالىق تۇركى اكادەمياسىنىڭ تۇراقتى حاتشىسى اسحات كەسىكباەۆ، نازارباەۆ ۋنيۆەرسيتەتىنىڭ قازاق ءتىلى جانە تۇركولوگيا كافەدراسىنىڭ مەڭگەرۋشىسى يۋلاي شاميلوگلي جانە نازارباەۆ ۋنيۆەرسيتەتىنىڭ تاريح، فيلوسوفيا جانە ءدىنتانۋ كافەدراسىنىڭ دوتسەنتى حاليت اكاردجا جانە كەرتيس مەرفي قاتىسادى. ارمين ۆامبەريدىڭ ءومىرى مەن قىزمەتىنە ارنالعان كورمە بويىنشا پرەزەنتاتسيالىق ەكسكۋرسيانى ماجارستان عىلىم اكادەمياسىنان ارنايى شاقىرىلعان بەلگىلى ماجار تۇركىتانۋشىسى داۆيد شومفاي جۇرگىزەدى.

ءىس-شاراعا قازاقستان رەسپۋبليكاسىندا اككرەديتتەلگەن ديپلوماتيالىق ميسسيالار مەن حالىقارالىق ۇيىمداردىڭ باسشىلارى، قازاقستان رەسپۋبليكاسىنىڭ قوعام جانە مەملەكەت قايراتكەرلەرى، نازارباەۆ ۋنيۆەرسيتەتىنىڭ، ل.ن. گۋميلەۆ اتىنداعى ەۋرازيا ۋنيۆەرسيتەتىنىڭ پروفەسسورلارى مەن ستۋدەنتتەرى قاتىسادى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار