قازاقستان • 25 قازان، 2021

تورەگەلدى شارمانوۆ: عىلىمنىڭ ءرولى تومەندەپ كەتتى

894 رەت كورسەتىلدى

رعا جانە قر ۇعا اكادەميگى تورەگەلدى شارمانوۆ ءوزىنىڭ Facebook پاراقشاسىندا ەلدەگى عىلىمنىڭ جاي-كۇيى جايلى جازبا جاريالادى، دەپ جازادى Egemen.kz.

«بىزدە عىلىمنىڭ ءرولى تومەندەپ كەتتى. اكادەميا دەگەن ارداقتى اتاۋدىڭ ابدەن قادىرىن قاشىردىق. ادامنىڭ ويىنا كەلمەيتىندەي «اكادەميالار» بار. ادام تانىمايتىن «اكادەميكتەر» بار. سويلەسە قالساڭ ءوزىڭ ۇيالاسىڭ. قاراپايىم عىلىمي تۇسىنىكتەردىڭ ءوزىن دالمە-ءدال قولدانا المايدى. ەشكىممەن ايتىسىپ-تارتىسىپ، عىلىمي پولەميكاعا ءتۇسىپ كورمەگەن. ءوزىنىڭ قالاي قورعاعانىن بىلەتىن جاڭاعى دوكتور عىلىمي كەڭەسكە مۇشە بولعاننان كەيىن ەندى قورعاۋعا كەلەتىندەرگە دە تيىسىنشە تالاپ قويا المايدى. قويعىسى دا كەلمەيدى»، دەپ جازدى تورەگەلدى شارمانوۆ.

ونىڭ ايتۋىنشا، بۇعان دەيىنگى كەزەڭدە دوكتورلىق تۇرماق، كانديداتتىقتى قورعاۋدىڭ ءوزى وڭاي بولماعان. 

«قازىر كانديداتتىق قورعاۋ دوكتورلىق قورعاۋدىڭ الدىنداعى «رازمينكا» سياقتى بولىپ قالدى.

باياعى ساتباەۆ زامانىنداعى اكادەميانى كوكسەۋىمىز شىن مانىندە كادىمگى ءميفتى، ءوزىمىزدىڭ قيالىمىزدا عانا قالعان ءميفتى كوكسەۋ بولىپ شىقتى»، دەيدى اكادەميك.

سوڭعى جاڭالىقتار

ۇقساس جاڭالىقتار