قازاقستان • 22 قازان، 2021

پرەزيدەنت تاپسىرمالارىن ىسكە اسىرۋ بويىنشا كەڭەس ءوتتى

95 رەت كورسەتىلدى

بۇگىن پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن 2021 جىلعى 21 قازاندا مەملەكەت باسشىسىنىڭ قازاقستان حالقى اسسامبلەياسى كەڭەسىنىڭ وتىرىسىندا بەرگەن تاپسىرمالارىن ىسكە اسىرۋ جونىندە ۇكىمەت كەڭەسى ءوتتى، دەپ حابارلايدى Egemen.kz primeminister.kz سايتىنا سىلتەمە جاساپ.

ءىس-شاراعا توراعا ورىنباسارى – قحا حاتشىلىعىنىڭ مەڭگەرۋشىسى م.ءازىلحانوۆ، قر پارلامەنتىنىڭ دەپۋتاتتارى، مينيسترلىكتەردىڭ باسشىلارى، جەرگىلىكتى اتقارۋشى ورگانداردىڭ وكىلدەرى قاتىستى.

پرەمەر-ءمينيستردىڭ ورىنباسارى حالىق تىعىز ورنالاسقان وڭىرلەردەن ەلدىڭ جۇمىس كۇشى تاپشى وڭىرلەرىنە ازاماتتاردىڭ ەرىكتى تۇردە قونىس اۋدارۋىن ىنتالاندىرۋ شارالارىن كۇشەيتۋ، ۇلتتىق تىلدە وقىتاتىن مەكتەپتەردە بيلينگۆالدى وقىتۋ مودەلىن ەنگىزۋ، مەملەكەتتىك ءتىلدى وقىتۋدىڭ تيىمدىلىگىن ارتتىرۋ، انالار كەڭەستەرىنىڭ قىزمەتىن دامىتۋ، جيناقى تۇراتىن ەتنوستاردىڭ قازاقستان قوعامىنا ودان ءارى ينتەگراتسيالانۋى، ەتنوسارالىق نەگىزدە جانجالداردىڭ الدىن الۋ جانە ت. ب. بويىنشا ناقتى تاپسىرمالار بەردى.

ەل پرەزيدەنتىنىڭ قازاقستان حالقى اسسامبلەياسىنىڭ پاتريوتتىق ۇيىم رەتىندەگى انىقتاماسىن ءبىرىنشى رەت جاريا ەتكەنىنە جانە وسى يدەيانى ىلگەرىلەتۋ بويىنشا ناقتى تاپسىرمالار بەرىلگەنىنە ەرەكشە نازار اۋدارىلدى.

ە. توعجانوۆ وڭىرلەر اكىمدىكتەرىنىڭ ەتنوسارالىق قاتىناستاردى نىعايتۋ سالاسىنداعى قىزمەتىن جانداندىرۋدى، ەتنوستىق نەمەسە تىلدىك نەگىزدە ازاماتتاردىڭ قۇقىقتارىنىڭ بۇزىلۋىنىڭ ءاربىر جاعدايى بويىنشا حالىقپەن ناقتى پروفيلاكتيكالىق جانە اقپاراتتىق-ءتۇسىندىرۋ جۇمىستارىن جۇرگىزۋدى تاپسىردى.

سونداي-اق فەدور دوستوەۆسكيدىڭ 200 جىلدىعىنا وراي ەستەلىك ءىس-شارالار ۇيىمداستىرۋ جانە كورنەكتى تۇلعالار دوستىعىنىڭ تاريحي مىسالدارى ارقىلى ەتنوستاردى رۋحاني جاقىنداستىرۋ بويىنشا جۇيەلى جۇمىس جۇرگىزۋ تاپسىرىلدى.

پرەزيدەنتتىڭ قازاقستان حالقى اسسامبلەياسى كەڭەسىنىڭ وتىرىسىندا بەرگەن تاپسىرمالارى ۇكىمەتتىڭ قاتاڭ باقىلاۋىنا الىندى جانە تاپسىرمالاردىڭ جەكە حاتتاماسى اياسىندا ىسكە اسىرىلاتىن بولادى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار