قازاقستان • 22 قازان، 2021

قازاقستاندا ەڭبەك ينسپەكتورلارى حالىقارالىق ستاندارتتان 3 ەسە از

83 رەت كورسەتىلدى

قازاقستانداعى مەملەكەتتىك ەڭبەك ينسپەكتورلارىنىڭ سانى حالىقارالىق ستاندارتتان 3 ەسە از، دەپ حابارلايدى Egemen.kz.

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك، الەۋمەتتىك قورعاۋ جانە كوشى-قون كوميتەتىنىڭ توراعاسى ەربول نۇرعاليەۆ ايتتى.

«مەملەكەتتىك ەڭبەك ينسپەكتورلارىنىڭ جەتىسپەتيىنى تۋرالى پروبلەمانى تالايدان بەرى كوتەرىپ ءجۇرمىز. بۇگىندە ەلىمىزدە 246 ينسپەكتور جۇمىس ىستەيدى. سالىستىراتىن بولساق، 2001 جىلى ەڭبەك ينسپەكتسياسى قۇرىلعان كەزدە 412 ەڭبەك ينسپەكتورى جۇمىسقا الىنعان. وزدەرىڭىز بىلەسىزدەر، مەملەكەتتىك قىزمەتكەر بولعاندىقتان قىسقارتۋ بولىپ تۇرادى. ال 2013 جىلى ەڭبەك ينسپەكتسياسىنىڭ قۇزىرەتىن جەرگىلىكتى اكىمدىكتەرگە بەرگەن بولاتىنبىز. سودان بەرى مەملەكەتتىك ينسپەكتورلاردىڭ سانى ازايىپ، 246-عا دەيىن ءتۇستى»، دەدى ەربول نۇرعاليەۆ.

سونداي-اق، ول ەلدەگى ەڭبەك ينسپەكتورلارىنىڭ سانى حالىقارالىق ستاندارتتارعا ساي ەمەس ەكەنىن اتادى. الايدا زاڭنامادا ول تاپشىلىقتىڭ ورنىن كاسىپورىنداردىڭ وزدەرىنە باعىنىشتى تەحنيكالىق ينسپەكتورلارمەن تولتىرۋ كوزدەلگەن.

«حالىقارالىق ەڭبەك قاۋىمداستىعىنىڭ ۇسىنىستارى بار. 10 مىڭ جۇمىسشىعا ءبىر مەملەكەتتىك ينسپەكتور كەلۋى كەرەك. بۇل ستاندارتقا ساي بولۋى ءۇشىن بىزگە قازىرگى ينسپەكتورلاردىڭ سانىن 3 ەسەگە كوبەيتۋ كەرەك.

بىراق ءبىزدىڭ ەڭبەك كودەكسىندە وندىرىستىك كەڭەستەر قۇرۋ تۋرالى نورمالار بار. كوپتەگەن كاسىپورىندا 15 مىڭنان استام وسىنداي كەڭەس جۇمىس ىستەيدى. وسى كەڭەستىڭ قۇرامىندا تەحنيكالىق ينسپەكتورلار بار. ولاردىڭ دا مىندەتى مەملەكەتتىك ەڭبەك ينسپەكتورلارىنىڭ مىندەتىمەن ۇقساس»، دەدى كوميتەت توراعاسى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار