بۋكينگەم سارايى حابارلاعانداي, پاتشايىم دارىگەرلەردىڭ ۇسىنىستارىن ورىنداي وتىرىپ, بىرنەشە كۇن دەمالۋعا شەشىم قابىلدادى.
ەليزاۆەتا II اۋرۋحاناعا 20 قازان, سارسەنبىدە كەلدى جانە 21 قازان كۇنى تۇستەن كەيىن ۆيندزور قامالىنا قايتىپ ورالدى.
95 جاستاعى پاتشايىمنىڭ ەدۆارد VII مەموريالدىق اۋرۋحاناسىنا بارۋى قۇپيا ساقتالعان كورىنەدى.
بىراق The Sun گازەتىندەگى جاڭالىقتاردان كەيىن بۋكينگەم سارايى بۇل اقپاراتتى راستاۋعا ءماجبۇر بولدى.
كورولەۆا 8 جىل ىشىندە العاش رەت اۋرۋحانادا تۇنەدى. 2013 جىلى اسقازان مەن ىشەكتەگى ىڭعايسىزدىقتان جەكە كلينيكادا تۇنەگەن ەدى.
21 ساۋىردە II ەليزاۆەتا 95 جاسقا تولدى. ول ۇلىبريتانيا تاريحىنداعى ەڭ ۇزاق بيلىك قۇرعان مونارح بولىپ سانالادى.
