فوتو: Dailymail.co.uk
ەلشى ەكى ەل اراسىنداعى ىنتىماقتاستىق پەن ەكونوميكالىق قارىم-قاتىناستارعا قىسقاشا توقتالا وتىرىپ, قازاقستانعا جانە قازاق تىلىنە قاتىستى دا پىكىرىن ءبىلدىردى. سونداي-اق قازاقستانعا باراتىنىن ەستىگەن ساتتە قانداي اسەردە بولعانىن دا ايتىپ بەرگەن.
ء«بىز قازاقستانعا كەلەردە 18 ايعا جۋىق وقشاۋلانۋ مەن شەكتەۋلەردەن وتتىك. ەشقايدا شىقپاي, حارتفوردشير وكرۋگىندەگى ۇيىمىزدە تۇردىق. سوندىقتان كەنەتتەن ەرەكشە زاماناۋي قالاعا كوشۋ – ءبىز ءۇشىن وتە كەرەمەت جاڭالىق بولدى. ءبىز ءəلى دە ساياحاتتاي المايمىز, بىراق مەن ولارعا قازاقستاندى تولىق ارالاتىپ شىققىم كەلەدى», دەدى كەتي ليچ.
