قازاقستان • 22 قازان، 2021

سۋ دا تاڭبالانادى

36 رەت كورسەتىلدى

ەلىمىزدە الكوگولسىز سۋسىنداردىڭ تۇپنۇسقالىعىن تەكسەرۋگە ار­نالعان قوعامدىق باقىلاۋ قۇرالى سىناقتان وتۋدە. قازاقستاندا تۇتىنۋشىلارعا ساتىپ الىناتىن سۋ مەن قۇرامىندا قانت بار سۋ­سىنداردىڭ تۇپنۇسقالىعىنا تسيفرلى تاڭبالاۋدى ەنگىزۋ ارقىلى كەپىلدىك بەرۋ جوسپارلانۋدا. قازىر قاناتقاقتى جوبا ءجۇرىپ جاتىر. وعان قاپتالعان سۋدى وندىرەتىن بىرقاتار كومپانيا قوسىلعان.

ءبىزدىڭ ەلدەگى قاپتالعان سۋ مەن قۇرامىندا قانت بار سۋسىنداردى تاڭبالاۋ جونىندەگى قاناتقاقتى جو­باعا ەۋرازيالىق ەكونوميكالىق وداق ەلدەرىنىڭ كەلىسىمى نەگىزىندە اۋىل شارۋاشىلىعى مينيسترلىگى باس­تاماشىلىق ەتكەن. تاۋارلار­دى تاڭ­بالاۋ مەن قاداعالاۋدىڭ بىر­ىڭ­عاي وپەراتورى – تسيفرلى ەكو­نو­­ميكانى دامىتۋ ورتالىعىنىڭ وكى­­لى ەرلان نۇرماعانبەتوۆ وسى جىل­­­دىڭ 1 شىلدەسىندە باستالعان قا­نات­­قاقتى جوبانىڭ بارىسى تۋ­رالى ايتىپ بەردى. قاناتقاقتى جوبا سالا­­لى كاسىپورىنداردىڭ بيز­نەس-پرو­تسەستەرىن زەردەلەۋ ءۇشىن جۇر­­­­گىزى­لەدى. وسىلايشا، قاتى­سۋ­شى­لار تىكەلەي وزدەرىنىڭ وندى­رىس­تىك جە­لىلە­رىن­دە وندىرىلەتىن ءونىم­دى تاڭبالاۋ پرو­تسەستەرىنىڭ ەرەكشە­لىكتەرىمەن تانىسادى.

– سالانىڭ جوباعا بەلسەندى قا­تىسۋى ەلىمىزدەگى سۋ مەن سۋسىنداردى تاڭبالاۋ جوباسىنا قويىلاتىن تالاپتاردىڭ قانشالىقتى مۇقيات ەسكەرىلەتىنىنە بايلانىستى. تسيفر­لى تاڭبالاۋدى ەنگىزە وتىرىپ، ون­دىرۋشىلەر نارىقتىڭ بارلىق وزگە­رىستەرىنە جەدەل مونيتورينگ جۇر­گىزىپ، ءوز برەندىن قورعاي الادى. ال تۇتىنۋشىلار ساتىپ الىناتىن تا­ۋار­لارعا قوعامدىق باقىلاۋ جۇرگىزۋ مۇم­كىندىگىنە يە، – دەپ ءتۇسىندىردى بىرىڭعاي وپەراتور جوباسىنىڭ جە­تەك­شىسى ە.نۇرماعانبەتوۆ.

ەسكە سالا كەتەيىك، رەسەي قازىردىڭ وزىندە سۋدى تسيفرلى تاڭبالاۋعا كوشتى. بۇل ەلدە ساراپشىلار وسى نارىقتاعى ساپاسىز جانە جالعان ونىمدەردىڭ ۇلەسىن 67 پايىز دەپ باعالاپ وتىر. قازاقستانداعى اتالعان كورسەتكىش بىرنەشە ەسە از. ياعني 20 پايىزعا تەڭ. بىراق قوعام وكىلدەرى كولەڭكەلى اينالىم دەڭگەيىنىڭ تو­مەندىگىنە قاراماستان، سۋدى جانە سۋ­سىنداردى جاپپاي سۇرانىسقا يە ءونىم دەپ سانايدى. سوندىقتان تۇتى­نۋشىلارعا ءونىمدى زاڭدى تۇردە تەكسەرۋگە مۇمكىندىك بەرۋ ماڭىزدى.

الكوگولسىز سۋسىندار مەن شىرىن وندىرۋشىلەر قاۋىمداستىعى­نىڭ اتقارۋشى ديرەكتورى ءاليا مامىت­باەۆانىڭ ايتۋىنشا، ەلىمىزدەگى كونترافاكت جانە زاڭسىز اينالىم ستاتيستيكالىق قاتەلىك دەڭگەيىندە.

– ءاربىر ءونىمنىڭ قاپتاماسىنا كەز كەلگەن نارسەنى جازۋعا بولادى. جالعان دەرەكتەر جازۋ پروبلەما ەمەس. ال قاپتامادا تاۋاردىڭ جا­رام­­دىلىق مەرزىمى، قۇرامى، ءوندى­رۋشىسى تۋرالى بارلىق مالىمەت جي­ناق­­تالعان تسيفرلى كود بولعان جاع­دايدا، ساپا مەن زاڭدىلىققا سەنىم­دى بولا الامىز. ءبىزدى تۇتىنۋشى رە­­تىندە مۇنداي قۇقىقتان ايىرۋعا بولمايدى. كونترافاكتىنىڭ ەلدەن ەلگە تارالىپ كەتۋىنە دە جول جوق، – دەيدى دەنساۋلىق ساقتاۋ مينيسترلىگى جانىنداعى قوعامدىق كەڭەستىڭ مۇ­شەسى ءجاميلا سادىقوۆا. قاناتقاق­تى جو­بانىڭ قاتىسۋشىسى Tassay ساۋ­دا بەلگىسىمەن ءونىم شى­عاراتىن «يۋنيكس» جشس ءوز وندى­رىسىندە تسيفر­لى تاڭبالاۋدى ەنگىزۋدى باستادى.

– ءبىز ءوزىمىز ءۇشىن جوبانى ەنگى­زۋدىڭ ءتيىمدى تەحنيكالىق شەشىمىن انىق­تادىق. تاڭبالاۋ كودتارىن قول­دانۋدىڭ قولجەتىمدى تيپو­­گرافيا-
لىق ءادىسىن زەرتتەدىك. جال­پى، بۇل پروتسەستەن سىرت قالا ال­ماي­مىز. ويتكەنى ءونىمدى تاڭبالاۋ ەنگىزىلىپ جاتقان رەسەيگە سۋ ەكسپورتتايمىز. دەمەك، ءبىز كورشى ەلدىڭ جاڭا نارىق­تىق ەرەجەلەرىنە بەيىمدەلۋىمىز كەرەك. ارينە، جابدىقتى ساتىپ الۋ بو­يىن­شا ماسەلەلەر بار. بىراق مۇنىڭ ءبارى رەتتەلەدى دەپ ويلايمىن، – دەي­دى Tassay كومپانياسىنىڭ تاڭ­بالاۋ­دى ەنگىزۋ جونىندەگى جوبا جەتەك­شىسى يبراگيم ابدۋللين.

بىرىڭعاي وپەراتور جوبانى ىسكە اسىرۋ بويىنشا جۇمىس توبى قۇرىل­عانىن حابارلادى.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار