الەم • 22 قازان، 2021

باسقا باسىلىمداردان

31 رەت كورسەتىلدى

ەكى ەكپەنىڭ اراسى – 11 اي

Pfizer، BioNTech زەرتتەۋلەرى ۆاكتسينانىڭ ءۇشىنشى كومپونەنتى ءتيىمدى ەكەنىن كورسەتكەن.

Pfizer Inc جانە نەمىس سەرىكتەسى BioNTech كومپانيالارى بەيسەنبىدە III سىناق كەزەڭىنىڭ زەرتتەۋ ناتيجەلەرى COVID-19 ۆاكتسيناسىنىڭ ءۇشىنشى دوزاسىنىڭ ۆيرۋسقا قارسى، «دەلتا» نۇسقاسىن قوسا العاندا، جوعارى تيىمدىلىگىن كورسەتكەنىن حابارلادى.

ولاردىڭ ايتۋىنشا، 16 جاستان اسقان 10 مىڭ ادام قاتىستىرىلعان زەرتتەۋ «دەلتا» شتامى باسىم بولعان كەزەڭدە ىندەتكە قارسى ءۇشىنشى كومپونەنتتىڭ 95،6% تيىمدىلىگىن كورسەتتى.

زەرتتەۋدە سونداي-اق ءۇشىنشى قوسىمشا كومپونەنتتىڭ قاۋىپسىز ەكەنى انىقتالعان.

Pfizer ۆاكتسيناسى ەكى بولىگىنىڭ تيىمدىلىگى ۋاقىت وتە كەلە تومەندەيتىنىن مالىمدەدى. مۇنى ەكپەنىڭ ەكىنشى دوزاسىنان كەيىن ءتورت اي وتكەن سوڭ 96% قورعانىس بەرگەن ۆاكتسينانىڭ كۇشى 84%-عا تومەندەيتىنىن دالەلدەگەن زەرتتەۋگە سۇيەنە وتىرىپ ايتقان. كەيبىر ەلدەر قازىردىڭ وزىندە ۆاكتسينانىڭ ءۇشىنشى دوزاسىن سالۋ جوسپارلارىن جۇزەگە اسىرا باستادى.

ءدارى وندىرۋشىلەر ەكىنشى دوزا مەن ۇدەتكىش ءۇشىنشى ەكپە نەمەسە پلاتسەبو اراسىنداعى ورتاشا ۋاقىت شامامەن 11 ايدى قۇرايتىنىن اتادى. ءۇشىنشى بولىكتى العان توپتا ىندەت جۇقتىرعان 5 ادام انىقتالسا، پلاتسەبو، ياعني قۇرامىندا ۆاكتسينا جوق ەكپەنى العان توپتا 109 جاعداي تىركەلگەن.

قاتىسۋشىلاردىڭ ورتاشا جاسى 53-ءتى قۇرادى، ال ولاردىڭ 55،5 پايىزى 16-دان 55 جاسقا دەيىن جانە 23،3 پايىزى 65 جانە ودان جوعارى جاستا بولعان.

 

Samsung سمارتفوندارىن ساتۋعا تىيىم سالىندى

ماسكەۋ تورەلىك سوتى Samsung Electronics كومپانياسىنىڭ رەسەيلىك ەن­شىلەسىنە Samsung راۋ تولەم قىز­مەتىن پايدالانۋ تۋرالى پاتەنتتىك داۋعا بايلانىستى رەسەيدە Samsung سمارتفوندارىنىڭ 61 مودەلىن ساتۋعا تىيىم سالدى. بۇل ءبىرىنشى ساتىداعى سوتتىڭ قوسىمشا شەشىمىنىڭ قورىتىندىسىنا ساي ورىندالۋعا ءتيىس.

شەشىمگە سايكەس، ەل اۋماعىندا Samsung Galaxy Z Flip، Samsung Galaxy Fold، Samsung Galaxy Z Fold 2 سەكىلدى باسقا دا بىرقاتار سمارتفون مودەلدەرىن ساتا المايدى.

شەشىم قابىلدانعان كۇننەن باستاپ ءبىر اي ىشىندە قايتا شاعىم تۇسىرۋگە مۇمكىندىك بار ەكەنى ايتىلادى.

شىلدەدە ماسكەۋدىڭ تورەلىك سوتى شۆەيتساريانىڭ «كۆين سا» كومپا­نياسىنىڭ «سامسۋنگ ەلەكترونيكس رۋس كومپاني» كومپانيا­سىنا پاتەنت قۇقىقتارىن قورعاۋ تۋرالى تالاپ-ارىزىن قاناعاتتان­دىرىپ، Samsung Pay تولەم سەرۆيسىنىڭ جۇمىسىنا تىيىم سالعان.

سوڭعى جاڭالىقتار

ۇقساس جاڭالىقتار