ۇكىمەت • 21 قازان، 2021

ا.مامين باتىس ءوڭىرىنىڭ ءىرى اۆتوماگيسترالىن رەكونسترۋكتسيالاۋ بارىسىن تەكسەردى

75 رەت كورسەتىلدى

قر پرەمەر-ءمينيسترى اسقار مامين اقتوبە جانە اتىراۋ وبلىستارىنا جۇمىس ساپارى اياسىندا «اقتوبە – اتىراۋ – استراحان» اۆتوجولىن رەكونسترۋكتسيالاۋ بارىسىن تەكسەردى، دەپ جازادى Egemen.kz.

اۆتوجولدىڭ جالپى ۇزىندىعى 897 شاقىرىمدى قۇرايدى، ونىڭ ىشىندە اقتوبە وبلىسى بويىنشا – 311 كم، اتىراۋ وبلىسى بويىنشا – 586 كم. 2015 جىلى «اتىراۋ – ماقات» ۋچاسكەسىنىڭ 164 شاقىرىمى قايتا سالىندى.

قازىرگى تاڭدا «اقتوبە – قاندىاعاش»، «قاندىاعاش – ماقات»، «اتىراۋ – رف شەكاراسى» ۋچاسكەلەرىندەگى اۆتوجولدىڭ 733 شاقىرىمىندا رەكونسترۋكتسيالاۋ جۇمىستارى جۇرگىزىلىپ جاتىر.

«اقتوبە – قاندىاعاش» ۋچاسكەسى (96 كم) 4 جولاقتى قوزعالىسى بار I ساناتتى 78 كم جولدى جانە 2 جولاقتى قوزعالىسى بار II ساناتتى قاندىاعاش قالاسىن اينالىپ وتەتىن 18 شاقىرىم جولدى قامتيدى. جىل سوڭىنا دەيىن مۇندا 18 شاقىرىمدى جاڭا جول توسەمىمەن قامتاماسىز ەتۋ جوسپارلانعان.

«قاندىاعاش – ماقات» ۋچاسكەسىندە (360 كم) اسفالتبەتون توسەۋ جانە جولدى اباتتاندىرۋ بويىنشا سوڭعى جۇمىستار جۇرگىزىلىپ جاتىر. 2021 جىلى جاڭا جابىنمەن ۋچاسكەنىڭ بارلىق ۇزىندىعى بويىنشا قوزعالىستى تولىق قامتاماسىز ەتۋ كوزدەلگەن. بۇل رەتتە اقتوبە قالاسىنان اتىراۋ قالاسىنا دەيىنگى جول ەكى ەسە قىسقارادى – بۇرىن اقتوبە-اتىراۋ ۋچاسكەسىنىڭ قاناعاتتاندىرارلىقسىز جاي-كۇيىنە بايلانىستى جۇرگىزۋشىلەرگە كورشىلەس وڭىرگە ورال ارقىلى بارىپ، قوسىمشا 500 شاقىرىمعا جۋىق جول جۇرۋگە تۋرا كەلەتىن.

جالپى ۇزىندىعى 277 شاقىرىمعا سوزىلاتىن «اتىراۋ – رف شەكاراسى» ۋچاسكەسى (استراحان قالاسى باعىتىندا) 1970 جىلدارى وسىنە 8 توننا جۇكتەمەمەن سالىنعان III ساناتتاعى رەسپۋبليكالىق ماڭىزى بار جول بولىپ تابىلادى. اۋىر جۇك تاسىمالدايتىن ترانزيتتىك كولىك قۇرالدارىنىڭ قوزعالىس قارقىندىلىعىنىڭ ارتۋىنا بايلانىستى جولدىڭ جاعدايى ناشارلاپ كەتكەن.

قايتا جوندەۋ ناتيجەسىندە جىل سوڭىنا دەيىن 92 شاقىرىم جولدا قوزعالىس قامتاماسىز ەتىلەدى، قالعان 185 شاقىرىم جولدا جەر توسەمى توسەلىپ، جول توسەمىنىڭ، كوپىرلەر مەن قۇبىرلاردىڭ قۇرىلىمدىق قاباتتارى سالىنىپ جاتىر. جۇمىستاردى 2022 جىلى اياقتاۋ جوسپارلانۋدا.

2021 جىلى قازاقستاندا 8،4 مىڭ شاقىرىم اۆتوجول، ونىڭ ىشىندە رەسپۋبليكالىق ماڭىزى بار 5 مىڭ شاقىرىم، جەرگىلىكتى جەلى 3،4 مىڭ شاقىرىم جول قۇرىلىس جانە قايتا جاڭارتۋ جۇمىستارىمەن قامتىلدى. جول-قۇرىلىس جۇمىستارىنا 200 مىڭعا جۋىق ادام تارتىلعان. بيىل ەلىمىزدە 5،1 مىڭ شاقىرىم جولدا جۇمىستار اياقتالاتىن بولادى. قالعان جۇمىس كولەمى اۋىسپالى جانە 2022 جىلى ورىندالادى.

 

 

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار