قازاقستان • 20 قازان، 2021

قر ۇكىمەتى ءورت سوندىرۋگە ارنالعان دروندار ساتىپ الادى

49 رەت كورسەتىلدى

قر پرەمەر-ءمينيسترىنىڭ ورىنباسارى رومان سكليار ءورت سوندىرۋگە ارنالعان تەحنيكانى جاڭارتۋ جوسپارىمەن ءبولىستى، دەپ حابارلايدى Egemen.kz.

«حالىقتى تابيعي اپاتتار مەن توتەنشە جاعدايلاردان قورعاۋ جۇيەسىنىڭ جۇمىس ىستەۋ تاجىريبەسى ۇشقىشسىز ۇشۋ اپپاراتتارى مەن روبوتتاندىرىلعان تەحنيكانى پايدالانۋ ەسەبىنەن دەن قويۋدىڭ تيىمدىلىگىن ارتتىرۋعا بولاتىندىعىن كورسەتەدى. جارىلىس قاۋپى بار وبەكتىلەردە ءورت ءسوندىرۋدى ۇيىمداستىرۋ ماقساتىندا تجم روبوتتاندىرىلعان تەحنيكا مەن پيلوتسىز ۇشۋ اپپاراتتارىن ساتىپ الۋ ماسەلەسى پىسىقتالۋدا»، دەپ جازدى رومان سكليار دەپۋتاتتىق ساۋالعا بەرگەن جاۋابىندا.

ونىڭ ايتۋىنشا، تجم قۇتقارۋ بولىمشەلەرىن ۇشقىشسىز ۇشۋ اپپاراتتارىمەن جابدىقتاۋ ىزدەستىرۋ-قۇتقارۋ جۇمىستارىندا ارەكەت ەتۋ تيىمدىلىگىن ارتتىرۋدى، تابيعي ءورت وشاقتارىن انىقتاۋدى، سۋ تاسقىنىنا مونيتورينگ جۇرگىزۋدى قامتاماسىز ەتەدى.

«بۇل رەتتە 2020 جىلى روبوت كەشەندەرىن ساتىپ الۋ شىعىندارىن جوسپارلاۋعا مۇمكىندىك بەرەتىن نورمالار قابىلداندى، ال بيىلدان باستاپ وتاندىق وندىرۋشىلەرمەن روبوتوتەحنيكانىڭ تەحنيكالىق پارامەترلەرىن قالىپتاستىرۋ بويىنشا جۇمىس باستالدى»، دەپ تۇيىندەدى پرەمەر-ءمينيستردىڭ ورىنباسارى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار