پرەزيدەنت • 20 قازان، 2021

مەملەكەت باسشىسى قاراعاندى ​​وبلىسىندا جاڭا فابريكانى ىسكە قوستى

193 رەت كورسەتىلدى

قازاقستان پرەزيدەنتى قاسىم-جومارت توقاەۆ تەلەكوپىر رەجيمىندە قاراعاندى وبلىسىنىڭ جايرەم كەنتىندە جاڭادان اشىلعان كەن بايىتۋ كەشەنىنىڭ جۇمىسىن رەسمي تۇردە ىسكە قوستى، دەپ حابارلايدى Egemen.kz اقوردانىڭ سايتىنا سىلتەمە جاساپ.

كەن بايىتۋ فابريكاسىنىڭ قۇرىلىسىندا 2500-گە جۋىق ادام جۇمىس ىستەدى. جايرەم كەنتى ءۇشىن جاڭا جوبانىڭ ىسكە قوسىلۋى جاڭا ءومىر مەن دامۋدىڭ زور كەلەشەگىنە جول اشادى. كەن بايىتۋ كەشەنى قازاقستاندا مىرىش پەن قورعاسىن كونتسەنتراتتارىن شىعاراتىن ەڭ ءىرى كاسىپورىن بولادى. وندىرىستە 400 ادام جۇمىسپەن قامتىلادى.

قاراعاندى وبلىسىنىڭ اكىمى جەڭىس قاسىمبەك مەملەكەت باسشىسىنا ايماق ءۇشىن اتالعان جوبانىڭ ماڭىزى زور ەكەنىن ايتتى. جاڭا فابريكا شىعارىلاتىن ءونىم تۇرلەرى كوبەيەدى جانە ءوندىرىس كولەمى 2،5 ەسە ارتىپ، 5 ميلليون تونناعا دەيىن جەتەدى. سونداي-اق وڭدەلگەن ءونىمنىڭ ەكسپورتى ۇلعايىپ، سالىق ءتۇسىمى 1،5 ميلليارد تەڭگەگە كوبەيەدى.  جوبا باستالعالى بەرى ينۆەستورعا بارىنشا قولداۋ كورسەتىلدى. جۇيەلى جۇرگىزىلگەن جۇمىستىڭ ناتيجەسىندە كوروناۆيرۋس ىندەتىنە قاراماستان، جوبا بەلگىلەنگەن مەرزىم ىشىندە اياقتالدى.

پرەزيدەنتكە  قاراعاندى وبلىسىندا 2 تريلليون تەڭگەدەن اساتىن قاراجاتقا 50 ءىرى ينۆەستيتسيالىق جوبا ىسكە اسىرىلىپ وتىرعانى جونىندە باياندالدى. بيىل 14 جوبا ىسكە قوسىلىپ، ايماقتىڭ ونەركاسىپ كاسىپورىندارىنىڭ ينفراقۇرىلىمىنا تارتىلاتىن ينۆەستيتسيا كولەمى 230 ميلليارد تەڭگەنى قۇرايدى.

«قازمىرىش» جشس باس ديرەكتورى الەكساندر حمەلەۆ قاسىم-جومارت توقاەۆقا فابريكانىڭ قۇرىلىسى 3 جىلدا اياقتالعانىن جانە كوروناۆيرۋس ىندەتى جۇكتەلگەن مىندەتتى ىسكە اسىرۋعا كەدەرگى بولماعانىن ايتتى. ونىڭ پىكىرىنشە، بايىتۋ فابريكاسىنىڭ ىسكە قوسىلۋى جايرەمدى عانا ەمەس، تۇتاستاي قاراعاندى وبلىسىن دامىتۋدىڭ جاڭا كەزەڭى بولماق. مۇندا جىلىنا 5 ميلليون توننا كەن وڭدەلەدى. بۇل كاسىپورىننىڭ كەمىندە 15 جىل جۇمىس ىستەۋىنە مۇمكىندىك بەرەدى.

ل

سونىمەن قاتار «قازمىرىش» كومپانياسى كەنتتىڭ دامۋىنا 5 ميلليارد تەڭگەگە جۋىق قاراجات قۇيدى. جەرگىلىكتى اۋرۋحاناعا زاماناۋي جابدىقتار ساتىپ الىنىپ، قۇزىرەتتەردى دامىتۋ ورتالىعى قۇرىلدى جانە كوممۋنالدىق سالانى جاڭعىرتۋ مەن دامىتۋعا جىل سايىن قارجى بولىنەدى.

ل

جايرەمدەگى كەن بايىتۋ كەشەنىنىڭ تسەح باسشىسى ەركىن شايحين مەملەكەت باسشىسىنا قولداۋ كورسەتكەنى ءۇشىن العىس ءبىلدىرىپ، كەنتتىڭ جاندانعانىن جانە ونداعى وڭ وزگەرىستەر تۋرالى، سونداي-اق جاڭا فابريكانىڭ ىسكە قوسىلۋىنان جەرگىلىكتى تۇرعىندار زور ءۇمىت كۇتەتىنىن ايتتى.

پ

ءىس-شارا سوڭىندا پرەزيدەنت كاسىپورىننىڭ ەڭبەك ۇجىمىنا جانە وسى ءىرى جوبانى ىسكە اسىرۋعا اتسالىسقان بارشا ازاماتتارعا ريزاشىلىعىن ءبىلدىرىپ، تابىس تىلەدى.

ا

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار