قازاقستان • 20 قازان، 2021

قمدب توراعاسى وزبەكستان ءمۇفتيىن جاڭا قىزمەتىمەن قۇتتىقتادى

65 رەت كورسەتىلدى

قمدب توراعاسى ناۋرىزباي قاجى تاعان ۇلى نۋريددين حوليكنازاروۆقا وزبەكستان مۇسىلماندارى باسقارماسىنىڭ توراعاسى بولىپ سايلانۋىنا وراي قۇتتىقتاۋ جەدەلحاتىن جولدادى، دەپ حابارلايدى Egemen.kz.

باس ءمۇفتي ناۋرىزباي قاجى تاعان ۇلى نۋريددين حوليكنازاروۆتى ءدىن سالاسىنداعى كوپجىلعى تاجىريبەسى مەن ىزگى ىستەرىنە توقتالا كەلىپ، يگى تىلەگىن ءبىلدىردى.

ء«سىز يمامدىق قىزمەتتە ءجۇرىپ يسلام جاناشىرىنا اينالدىڭىز. اسىل ءدىنىمىزدى ناسيحاتتاۋعا سۇبەلى ۇلەس قوستىڭىز. مارقۇم ۋسمونحون اليموۆ حازىرەتتىڭ يگى ءىسىن جالعاستىرىپ، ىزگى باستامالاردى جۇيەلى تۇردە ىسكە اسىراتىنىڭىزعا سەنەمىن.

ەكى ەل اراسىنداعى رۋحاني بايلانىستىڭ التىن كوپىرى بولاتىنىڭىزعا سەنىمدىمىن. الداعى ۋاقىتتا اسىل ءدىنىمىزدىڭ دامۋىنا، ەكى ەل اراسىنداعى بايلانىستى نىعايتۋعا بىرلەسە ۇلەس قوسامىز دەگەن ۇمىتتەمىن» دەلىنگەن قۇتتىقتاۋ حات ماتىنىندە.

ەسكە سالا كەتەيىك، تاشكەنت ايماعىنىڭ باس يمامى قىزمەتىندە بولعان تاجىريبەلى ءدىن مامانى نۋريددين حوليكنازاروۆ وزبەكستان ءمۇفتيى بولىپ سايلاندى. ال بۇعان دەيىن وزبەكستان مۇسىلماندارى باسقارماسىنىڭ توراعاسى قىزمەتىن اتقارعان ۋسمونحون اليموۆ بىرەر اي بۇرىن 71 جاسىندا دۇنيەدەن ءوتتى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار