قازاقستان • 20 قازان، 2021

Astana Mining & Metallurgy 11-ءشى تاۋ-كەن مەتاللۋرگيا كونگرەسى ءوتىپ جاتىر

30 رەت كورسەتىلدى

نۇر-سۇلتان قالاسىندا Astana Mining & Metallurgy 11-ءشى تاۋ-كەن مەتاللۋرگيا كونگرەسى ءوتىپ جاتىر. ەكى كۇن ىشىندە مەملەكەتتىك ورگانداردىڭ وكىلدەرى، حالىقارالىق سالالىق ساراپشىلار، ءىرى كومپانيالاردىڭ باس ديرەكتورلارى، سەرۆيستىك كاسىپورىنداردىڭ توپ-مەنەدجەرلەرى تاۋ-كەن مەتاللۋرگيا سالاسىنىڭ ماسەلەلەرى مەن ونىڭ دامۋ جايىن تالقىلايدى، دەپ جازادى Egemen.kz يدم-نىڭ ءباسپاسوز قىزمەتىنە سىلتەمە جاساپ.

Astana Mining & Metallurgy كونگرەسى - سالا ماماندارى كەزدەسەتىن، ۋاعدالاستىققا قول جەتكىزەتىن، كەلىسىمدەر مەن كەلىسىم-شارتتار جاسالاتىن ءتيىمدى الاڭعا اينالدى. ءىس-شاراعا شەتەلدىك مامانداردىڭ قاتىسۋى تاجىريبە الماسۋعا جانە جاڭا شەشىمدەردى قابىلداۋعا ىقپال ەتەدى.

بۇل فورۋم العاش رەت 2010 جىلى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ قولداۋىمەن جانە تىكەلەي قاتىسۋىمەن ءوتتى. بۇگىندە «امم» كونگرەسى تاۋ-كەن مەتاللۋرگيا كەشەنىندەگى ماڭىزدى ماسەلەلەردى تالقىلاۋ جانە شەشۋ ءۇشىن ماڭىزدى حالىقارالىق الاڭ بولىپ تابىلادى.

ايتا كەتۋ كەرەك، تاۋ-كەن مەتاللۋرگيا كەشەنى قازاقستان ەكونوميكاسىنىڭ قوزعاۋشى كۇشى بولىپ تابىلادى، ونىڭ ۇلەسىنە ەلدىڭ ءجىو-ءنىڭ 8،2%-عا جۋىعى، ۇلتتىق ەكسپورتتىڭ 24%-عا جۋىعى تيەسىلى جانە سالادا 230 مىڭ وتانداسىمىز قاجىرلى ەڭبەك ەتۋدە.

بيىلعى شارانىڭ باستى تاقىرىبى «پاندەميا جاعدايىندا الەمدىك تاۋ-كەن ونەركاسىبىنىڭ ءوسۋ ۆەكتورلارى». جالپى كونگرەسس باعدارلاماسى جاڭا تەحنولوگيالار مەن تسيفرلىق شەشىمدەر بويىنشا سەسسيالاردى، گەولوگيالىق بارلاۋ، 4.0 يندۋسترياسىندا جاڭا قۇزىرەتتەردى دامىتۋ ماسەلەلەرى بويىنشا شەبەرلىك سىنىپتارىن قامتيتىن بولادى.

سونىمەن قاتار، كونگرەسس اياسىندا التىن جانە كومىر ونەركاسىبى بويىنشا فورۋمدار مەن GR، PR، HR باعىتتارىندا شەبەرلىك ساباقتارى وتەدى. شارا ۇيىمداستىرۋشىلارى AIX-پەن ارىپتەستىكتە تاۋ-كەن سالاسىنا ينۆەستيتسيالار تارتۋ بويىنشا دوڭگەلەك ۇستەلدەر وتكىزەدى. كونگرەستىڭ ەكىنشى كۇنى امم دەلەگاتتارى «كازتسينك» جشس جانە «ارسەلورميتتال تەمىرتاۋ» اق سىندى ءىرى تاۋ-كەن ءوندىرۋشى كومپانيالارىنىڭ جەتكىزۋشىلەرى بولۋدى ۇيرەنەدى.

قازاقستان تكمك سالاسىنىڭ بولاشاعى-گەولوگيالىق بارلاۋعا ينۆەستيتسيا سالۋ، ساپالى كادرلىق الەۋەتتى دامىتۋ جانە جاڭا تەحنولوگيالاردى ەنگىزۋمەن بايلانىستى. سول سەبەپتى كونگرەسس باعدارلاماسىن ساپالى تولتىرۋ سالانىڭ پروبلەمالىق ماسەلەلەرىن بارىنشا تولىق اشۋعا جانە ولاردى شەشۋ جولدارىن تابۋعا مۇمكىندىك بەرەدى.

ءداستۇر بويىنشا Astana Mining & Metallurgy تاۋ-كەن مەتاللۋرگيالىق كونگرەسى اياسىندا كورمە وتۋدە.

امم كورمەسى-تاۋ-كەن مەتاللۋرگيا سالاسىنىڭ كومپانيالارى ءۇشىن وزىق تەحنولوگيالار مەن يننوۆاتسيالىق ازىرلەمەلەردىڭ الاڭى بولىپ تابىلادى. مۇندا كورمەگە قاتىسۋشىلار پايدالى قازبالاردى ىزدەۋگە، وندىرۋگە جانە بايىتۋعا ارنالعان جابدىقتار مەن تەحنولوگيالاردى ۇسىنادى.

سونىمەن قاتار، AMM كورمەسىنىڭ قاتىسۋشىلارىنا ءوز كومپانياسىن جوعارى ۇكىمەتتىك دەڭگەيدە ۇسىنۋ، مەملەكەتتىك قۇرىلىمداردىڭ وكىلدەرىمەن، سالا ساراپشىلارى جانە ءىرى كومپانيالاردىڭ باسشىلارىمەن جاڭا ارىپتەستىك بايلانىس ورناتۋ مۇمكىندىگى بەرىلەدى.

كورمەگە ارسەلورميتتال تەمىرتاۋ، ەۋرازيالىق توپ، Kaz Minerals، Kazakhmys، Kazzinc، Polymetal جانە ت. ب. كومپانيالار قاتىسۋدا.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار