فۋتبول • 20 قازان، 2021

«قايرات» چەمپيوندىقتان قۇر قالدى

48 رەت كورسەتىلدى

وتكەن دەمالىس كۇندەرى فۋتبولدان ۇلتتىق قۇرامالاردىڭ ماتچتارىنا بايلانىستى ەكى اپتاعا ءۇزىلىس العان قازاقستان پرەمەر-ليگاسىنىڭ ويىندارى قايتا جالعاستى. ەلىمىزدىڭ جەتى قالاسىندا وتكەن ويىنداردىڭ التاۋىندا جەڭىمپاز كوماندا انىقتالسا، ءبىر كەزدەسۋدە تەڭ ەسەپ تىركەلدى.

24-تۋردىڭ شىمىلدىعىن «اق­جايىق» پەن «تۇران» كومان­دالارى اشتى. تۋرنير كەستەسىندە «تۇرانعا» قاراعاندا جوعارى ورىندا كەلە جاتقان ورالدىڭ كو­مانداسى قاتارىنان بەسىنشى تۋردا جەڭىسكە جەتە الماي كە­لەدى. ورال­داعى پەتر اتويان اتىن­داعى ستاديوندا وتكەن ويىن 1:1 ەسەبىمەن تەڭ اياقتالدى. ماتچ­تىڭ 30-مينۋتىندا الاڭ قو­جا­يىن­دارى ساپىنان ميحايل گا­ششەنكوۆ ەسەپ اشسا، 73-مينۋتتا «تۇ­راننىڭ» رەسەيلىك جارتىلاي قور­عاۋشىسى پاۆەل دەوبالد چەم­پيوناتتاعى العاشقى گولىن سوعىپ، كومانداسىنا ءبىر ۇپاي سىيلادى. بۇل ويىننان كەيىن ورال­دىڭ «اقجايىعى» 31 ۇپاي­مەن تۋرنير كەستەسىندەگى التىنشى، «تۇ­ران» 25 ۇپايمەن 12-ءشى ور­نىن ساقتاپ قالدى.

قاراعاندىنىڭ «شاحتەرى» اقتاۋ­دىڭ «كاسپيىن» قابىلداپ، 1:0 ەسەبىمەن باسىم ءتۇستى. ماتچ­تاعى جالعىز ءارى جەڭىس گولىن 73-مي­نۋتتا يدريس ۋماەۆ سالدى. بۇل گولدىڭ سوعىلۋى دا قىزىق بول­دى. رەسەيلىك شابۋىلشى ماركو مي­لوشەۆيچ قورعاعان قاق­پاعا قوس بىردەي سوققى باعىت­تاعانىمەن، ەكى رەتىندە دە قاق­پاشى دوپتى قايتارا ءبىلدى. تەك ءۇشىن­شى رەت تەپكەندە عانا ميلو­شەۆيچ بۇل سوققىنىڭ الدىندا دارمەنسىز قالدى. وسى­لايشا ەكى تەڭ ويىننان كەيىن جەڭىسكە جەتكەن ماگومەد اديەۆ شاكىرتتەرى 30 ۇپايمەن سەگىزىنشى ورىنعا كوتەرىلدى. ال اقتاۋ كلۋبى 28 ۇپايمەن 10-ورىنعا ءتۇسىپ قالدى.

چەمپيوناتتا الا-قۇلا ونەر كورسەتىپ جۇرگەن «ورداباسى» مەن «اتىراۋ» شىمكەنتتە كەزدە­سىپ، ماتچ 2:1 ەسەبىمەن «وردا­با­­سىنىڭ» جەڭىسىمەن اياقتالدى. ءبىرىنشى تايمدا بىردە-ءبىر گول كورە ال­ماعان جانكۇيەرلەر ەكىنشى تايمدا كوماندالاردىڭ ءۇش گولىنا كۋا بولدى. ەكىنشى تايم باسىندا «مۇنايشىلار» ساپىنان برازيليالىق اللەف گول سوعىپ، كومانداسىن العا شىعاردى. بۇل – اللەفتىڭ قازاقستان چەم­پيو­ناتىنداعى العاشقى گولى. ول «اتىراۋ» ساپىندا نەبارى ءۇشىنشى كەزدەسۋىن وتكىزدى. ارادا توعىز مينۋت وتكەندە ەلحان استانوۆ تارازى باسىن تەڭەستىرسە، 74-مينۋتتا ابدۋللاي دياكاتە كومانداسىنا جەڭىس سىيلادى. وسى جەڭىسىنىڭ ناتيجەسىندە «ورداباسى» ءالى دە ەۋروكۋبوك جولداماسىنان ءۇمىتتى ەكەنىن اڭعارتتى. ءۇش ۇپايدى قور­جىنعا سالعان شىمكەنتتىك ۇجىم تۋرنير كەستەسىندە 35 ۇپايمەن بەسىنشى ورىندا تۇر. «اتىراۋ» 27 ۇپايمەن 11-ورىنعا سىرعىدى.

تۋردىڭ ءبىرىنشى كۇنىنە جوس­پارلانعان ويىنداردىڭ سوڭ­عى­سى اقتوبەدە ءوتتى. بىل­تىر­­­عى قا­زاقستان چەمپيوندا­رىن قا­بىل­داعان «اقتوبە» قار­سى­لاس­تارىنا 1:2 ەسەبىمەن جول بەردى. كەز­دە­سۋدىڭ ەسەبىن 31-مينۋتتا ارتۋر شۋ­­شەناچەۆ اشسا، 41-مينۋتتا «اق­توبە» فۋتبولشىسىنىڭ قاتە­لىگىنەن كەيىن گۇلجىگىت الىقۇلوۆ تابلوداعى كورسەتكىشتى 2:0-گە جەتكىزدى. ەكىنشى تايمنىڭ 73-مينۋتىندا «قايرات» قورعاۋشىسى نۇرالى ءالىپ بايقاۋسىزدا ءوز قاق­­پاسىنا گول سوعىپ الىپ، الاڭ يە­لەرىنە ازداپ كومەكتەسىپ جى­بەر­دى. ماتچ سوڭىنا دەيىن الاڭ يەلەرى تارازى باسىن تەڭەستىرۋگە تىرىسقانىمەن، «قايرات» ويىن­شىلارى وعان مۇمكىندىك بەر­مەدى. بۇل جەڭىسىنەن كەيىن قۇر­بان بەردىەۆ شاكىرتتەرىنىڭ چەمپيوناتتى ءۇشىنشى ورىنمەن اياقتايتىنى بەلگىلى بولدى. «قاي­رات» كەيىنگى ويىنداردا جە­ڭىسكە جەتسە دە، جەڭىلسە دە ءۇشىنشى ورىننان كوتەرىلە المايدى. «اقتوبە» 30 ۇپايمەن جەتىنشى ورىندا تۇر.

ەكىنشى جارىس كۇنىندە چەم­پيون­دىق تاجگە تالاس جۇر­گىزىپ كەلە جاتقان ەلوردانىڭ «اس­تانا­سى» مەن قوستانايدىڭ «تو­بىلى» كەزەكتى تۋر ويىندارىن وتكىزدى. «استانا» ءوز الاڭىندا چەم­پيوناتپەن قوشتاسقان قى­­زىلوردانىڭ «قايسارىن» قا­بىلداپ، 2:0 ەسەبىمەن جەڭىسكە جەتتى. 74-مينۋتتا تيگران بار­­­سەگيان مەرگەندىك تانىتسا، ماتچ­­­تىڭ اياقتالۋىنا ءبىر مينۋت قالعاندا مارين توماسوۆ ەكىنشى گولدى سوعىپ، ويىننىڭ نۇكتەسىن قويدى. توماسوۆتىڭ بۇل ويىندا دۋبل اۆتورى اتانۋعا تاما­شا مۇمكىندىگى بولعان ەدى. الايدا ءبىرىنشى تايمدا «تا­راز» قاقپاسىنا بەلگىلەنگەن پە­نال­تيدى ءساتتى ورىنداي المادى. كەزەكتى ءۇش ۇپايىن قور­جىنعا سالعان «استانا» تۋرنير كەستەسىندە 56 ۇپايمەن ءبى­رىنشى ورنىن ساقتاپ قالدى. چەم­پيوناتتىڭ اياقتالۋىنا ءالى ەكى تۋر قالسا دا، «قايساردىڭ» كەلەسى ماۋسىمدا ءبىرىنشى ليگادا وينايتىنى بەلگىلى بولدى. 24 ماتچتىڭ نەبارى ۇشەۋىندە عانا جەڭىسكە جەتىپ، جەتى رەت تەڭ ويناعان قىزىلوردانىڭ كومانداسى 16 ۇپايمەن 14-ورىندا قالىپ قويدى.

پەتروپاۆلداعى «قاراساي» ستاديونىنداعى «قىزىلجار» مەن «توبىل» اراسىنداعى ماتچ قوس­تانايلىقتاردىڭ سەنىمدى جەڭىسىمەن اياقتالدى. بۇل ويىندا ەكى كومانداعا دا ءۇش ۇپاي اۋاداي قاجەت ەدى. ويتكەنى «قىزىلجار» ەۋروكۋبوك جولداماسى ءۇشىن، «توبىل» چەمپيوندىق ءۇشىن تالاسىپ جاتىر. دەگەنمەن پەتروپاۆل كومانداسى دەڭگەي جاعىنان بول­سىن، چەمپيوناتتاعى العا قوي­عان ماقسات جاعىنان بولسىن الدەقايدا جوعارى تۇرعان «تو­بىلعا» ەش قارسىلىق كورسەتە المادى. يگور سەرگەەۆ پەن جە­رەمي مانزوررونىڭ گولدارى «توبىلعا» جەڭىس سىيلادى.

تالدىقورعاندا وتكەن «جە­تىسۋ» مەن «تاراز» اراسىن­داعى ماتچ قوناقتاردىڭ پايداسىنا اياق­تالدى. كەزدەسۋدىڭ 67-مينۋ­تىندا «تاراز» شابۋىلشىسى نەناد اداموۆيچ باسپەن گول سوعىپ، كومانداسىن العا شى­عار­دى. ماتچتىڭ اياقتالۋىنا ءتورت مينۋت قالعاندا «جەتىسۋ» سا­­پىنان دياس قالىباەۆ ەسەپتى تەڭەستىرىپ كەتتى. تەڭ ويىنعا كە­لىسپەگەن «تاراز» ويىنشىلارى تورەشى قوسقان قوسىمشا ۋاقىتتا گول سوعىپ، قارسىلاستارىنان جە­ڭىستى ج ۇلىپ الدى. گول اۆتورى – تيمۋر دوسماعامبەتوۆ. وسى­لايشا قاتارىنان ءۇش ويىندا جەڭىلگەن «جەتىسۋ» دا پرەمەر-ليگامەن قوشتاستى. «تاراز» 29 ۇپايمەن توعىزىنشى ورىندا.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار