بۇعان بىرنەشە سەبەپ بار.
«بىرىنشىدەن, بۇل جايىق وزەنىنىڭ باسسەينىندە از سۋلى كەزەڭ تسيكلىنىڭ باستالۋىنا بايلانىستى. بۇل وزەندەردەگى سۋ دەڭگەيىنىڭ تومەندەۋى ارتۋىنا, باسسەيندەگى اعىندى رەتتەۋگە, جەردى جىرتۋعا جانە ورماندى كەسۋگە بايلانىستى وزەننىڭ گيدروگرافيالىق جەلىسىنىڭ ناشارلاۋىنا اسەر ەتەتىن كليماتتىق فاكتورلار», دەپ حابارلادى قر ەكولوگيا, گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتى.
ۆەدومستۆو ءمالىم ەتكەندەي, جايىق وزەنى باسسەينىندەگى سۋ جاعدايىن جاقسارتۋ بويىنشا شارالار قابىلداۋ ءۇشىن رەسەي تاراپىمەن جايىق وزەنىنىڭ گيدرولوگيالىق رەجيمىنە بىرلەسكەن زەرتتەۋلەر جۇرگىزۋ تۋرالى ۋاعدالاستىققا قول جەتكىزىلدى.
وسى ماقساتتا 2020 جىلعى قازاندا ءىرى وزەندەر باسسەيندەرىندە (جايىق, ەرتىس جانە باسقالارى) زەرتتەۋلەر جۇرگىزۋ بويىنشا ىنتىماقتاستىقتى جانداندىرۋدىڭ بىرىڭعاي جول كارتاسى جانە ونىڭ تارماقتارىنىڭ ورىندالۋ مەرزىمدەرى مەن ولاردى ۇيىمداستىرۋ نىساندارىن ناقتىلاۋمەن ءىس-شارالاردى ىسكە اسىرۋدىڭ جۇمىس كەستەسى بەكىتىلدى. قازىرگى ۋاقىتتا قازاقستاندىق جانە رەسەيلىك ساراپشىلار بىرىڭعاي جول كارتاسىن جۇزەگە اسىرۋعا كىرىستى.
بىرىڭعاي جول كارتاسىنىڭ ءىس-شارالارىن ىسكە اسىرۋ ناتيجەسىندە الداعى ۋاقىتتا جايىق وزەنىنىڭ گيدرولوگيالىق رەجيمىن جانە ەكولوگيالىق جاعدايىن جاقسارتۋعا باعىتتالعان بىرلەسكەن شارالار قابىلداناتىن بولادى.
