قوعام • 18 قازان، 2021

سينتەتيكالىق ەسىرتكىنىڭ 11 جاڭا تۇرىنە قىلمىستىق جاۋاپكەرشىلىك ەنگىزىلدى

75 رەت كورسەتىلدى

بۇل ءتۋرالى ىىم رەسمي وكىلى ءنۇردىلدا وراز مينيسترلىكتىڭ ءداستۇرلى بريفينگىندە ايتتى، دەپ جازادى Egemen.kz.

«14 قازاننان باستاپ ۇكىمەت قاۋلىسىمەن سينتەتيكالىق ەسىرتكىنىڭ 11 جاڭا ءتۇرى مەن 17 پرەكۋرسوردىڭ - ولاردىڭ كومەگىمەن ەسىرتكى سينتەزدەلۋى مۇمكىن زاتتاردىڭ اينالىمى ءۇشىن قىلمىستىق جاۋاپكەرشىلىك ەنگىزىلدى»، دەدى ول.

ول اتاعانداي، قىلمىستىق جاۋاپكەرشىلىك تۋىندايتىن قىلمىستىق سالماق ازايدى.

«بۇل شارالار مەملەكەت باسشىسىنىڭ ەسىرتكىنىڭ زاڭسىز اينالىمى ءۇشىن قىلمىستىق جاۋاپكەرشىلىكتى كۇشەيتۋ جونىندەگى تاپسىرمالارىن ورىنداۋ ءۇشىن ازىرلەندى جانە پسيحوبەلسەندى زاتتاردىڭ جاڭا تۇرلەرىن تاراتۋمەن بايلانىستى. بۇكىل الەمدە زاڭسىز اينالىمداعى سينتەتيكالىق ەسىرتكىلەردىڭ ۇلەسى جىل سايىن ارتىپ كەلە جاتقانىن اتاپ وتكەن ءجون. ەگەر 2019 جىلى قازاقستاندا شامامەن 11 كگ سينتەتيكا تاركىلەنسە، 2020 جىلى 100 كگ، بيىلعى 9 ايدا 130 كەلى ەسىرتكى تاركىلەندى. وتكەن جىلى قازاقستاندىق پوليتسيا 8 ەسىرتكى زەرتحاناسىن، ال بيىل 9 ايدا 13 جەراستى ءوندىرىسىن جويدى»، دەدى ءنۇردىلدا وراز.

سوڭعى جاڭالىقتار

ۇقساس جاڭالىقتار