ايماقتار • 18 قازان، 2021

تۋعان ولكە تاريحى – ۇرپاققا تاعىلىم

60 رەت كورسەتىلدى

تۇركىستاندا قوجا احمەت ءياساۋيدىڭ تاريحي بولمىسىن، ءومىرى مەن ءىلىمىن الەمگە ءوز دەڭگەيىندە تانىتىپ، عۇلامانىڭ تەرەڭ زەرتتەلگەن رۋحاني مۇرالارىن قويۋ ماقساتى كوزدەلگەن مۋزەي پايدالانۋعا بەرىلگەن بولاتىن. بۇگىندە زامان تالابىنا ساي سالىنعان ساۋلەتتى ورتالىقتا ياساۋي مۇرالارى مەن شەت مەملەكەتتەردەگى شاكىرتتەرىنىڭ ەڭبەكتەرى جيناقتالۋدا.

اۋماعى 3 200 شارشى مەتر مۋزەي قۇرىلىسىن «سامۇرىق-قازىنا» ۇلتتىق ءال-اۋقات قورى» اق-نىڭ تاپسىرىسىمەن «بازيس-ا» كومپانياسى جۇرگىزدى. ۇلى تۇلعاعا ارنالعان مۋزەيدە 100 ادام جۇمىسپەن قامتىلماق. جالپى، تۇركىستاندى تۋريزم ورتالىعىنا اينالدىرۋ باعىتىندا اۋقىمدى جۇمىس اتقارىلۋدا. تۋريزم سالاسى تاريحي-تانىمدىق، ەمدىك-ساۋىقتىرۋ جانە ەكولوگيالىق تۋريزم بولىپ، 3 باعىتتا قارقىندى دامىپ كەلەدى. جىل سوڭىنا دەيىن 38 تۋريستىك ينۆەستيتسيالىق جوبا جۇزەگە اسادى. ناتيجەسىندە 1050 جاڭا جۇمىس ورنى اشىلادى دەگەن جوسپار بار. سولاردىڭ ىشىندە قوجا احمەت ياساۋي مۋزەيى دە جۇرتشىلىق ءجيى كەلە­تىن ورىنعا اينالادى دەگەن سەنىم مول.

مۋزەي سالىپ، جادىگەرلەر جيناقتاۋ «رۋحاني جاڭعىرۋ» باعدارلاماسى اياسىندا قولعا الىنعان اۋقىمدى ىستەردىڭ ءبىرى. ەلباسى ن.نازارباەۆ «بولاشاققا باعدار: رۋحاني جاڭعىرۋ» اتتى باعدار­لا­مالىق ماقالاسىندا ءاربىر سايى مەن قىرقاسى، تاۋى مەن وزەنى تاريحتان سىر شەرتەتىن تۋعان جەردىڭ تاريحى مەن ءاربىر ولكەنىڭ حالقىنا سۋىقتا پانا، ىستىقتا سايا بولعان ءبىرتۋار پەرزەنتتەرىن جاس ۇرپاق ءبىلىپ ءوسۋى ءتيىس ەكەنىن ايتقان بولاتىن. ال « ۇلى دالانىڭ جەتى قىرى» ماقالاسىندا ەلباسى تاۋەلسىزدىك جىلدارىندا حالقىمىزدىڭ وتكەنىن زەرتتەۋگە قاتىستى اۋقىمدى جۇمىستار ات­قا­­­رىلعانىن ايتا كەلە: «بىراق بابا­لا­رىمىزدىڭ ءومىرى مەن ولاردىڭ عا­جاپ وركەنيەتى جونىندەگى كوپتەگەن دەرەكتى قۇجاتتار، ءالى دە بولسا، عىلىمي اينالىمعا تۇسكەن جوق. ولار الەمنىڭ بۇكىل ارحيۆتەرىندە ءوز ىزدەۋشىسى مەن زەرتتەۋشىسىن كۇتىپ جاتىر»، دەدى. وسى ورايدا جۋىردا «ازىرەت سۇلتان» مەم­لەكەتتىك تاريحي-مادەني قورىق-مۋزەيىنىڭ قىزمەتكەرلەرى ماسكەۋ قالاسىنداعى ارحيۆ ماتەريالدارىمەن تانىسۋعا اتتانعانىن ايتا كەتەلىك. «رەسەي فەدەراتسياسىنىڭ مەملەكەتتىك ءارحيۆى ءحىح-ءححى عاسىرلارداعى رەسەي تاريحىنا قاتىستى 7 ميلليوننان اسا ءىس-قۇجاتتارى بار ەڭ ۇلكەن ارحيۆ سانالادى. قويناۋى تاريحي دەرەكتەرگە تولى بۇل ورتالىق ءوز جۇمىسىن 1992 جىلى كەڭەستەر وداعى مەن كەڭەستىك رەسەيدىڭ مەملەكەتتىك ارحيۆتەرى نەگىزىندە باستاعان. ء«حىح عاسىردىڭ ورتاسى – ءححى عاسىر باسىنداعى تۇركىستان قالاسىنىڭ الەۋمەتتىك-ەكونوميكالىق جانە مادەني تاريحىن كەشەندى زەرتتەۋ» عىلىمي باعدارلاما تاقىرىبى اياسىنداعى بۇل ساپارىمىز تۇركىستان قالاسىنىڭ تاريحى تۋرالى تىڭ دەرەكتەردى رەسەي پاتشالىعى كەزەڭى جانە كەڭەستىك كەزەڭ ماتەريالدارىنان تابۋعا سەپتىگىن تي­گى­زەدى دەگەن ويدامىز»، دەيدى قورىق-مۋزەي ديرەكتورىنىڭ ورىنباسارى، تاريح عىلىمدارىنىڭ كانديداتى مۇرات تاستانبەكوۆ. بۇعان دەيىن تۇركىستاندىق عالىمدار رۋحاني استانا جايلى تىڭ دەرەكتەر ىزدەستىرۋ ماقساتىندا ال­ماتى، شىمكەنت قالالارىندا جانە وز­بەكستان رەسپۋبليكاسىنداعى مۇراعات قۇجاتتارىمەن تانىسىپ شىققان بولاتىن. جوبا اياسىندا عىلىمي اينالىمعا ەنبەگەن جاڭا دەرەكتەر توپتاستىرىلماق.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار