قوعام • 16 قازان، 2021

وتاندىق سەريالدار YouTube-تا تانىمالدىلىققا يە بولۋدا

141 رەت كورسەتىلدى

قر اقپارات جانە قوعامدىق دامۋ مينيسترلىگىنىڭ تىكەلەي قولداۋىمەن جاسالعان «Qazaqstan» جانە «حابار» تەلەارنالارىنىڭ قازاقستاندىق سەريالدارى YouTube-تە تانىمالدىلىققا يە بولۋدا، دەپ حابارلايدى Egemen.kz.

ماسەلەن، قىركۇيەك ايىندا «حابار» كورەرمەندەرى ارنانى 14 ميلليون ساعاتتان استام ۋاقىتتى «تاماشالادى». بۇگىنگى تاڭدا اگەنتتىكتىڭ ۆيدەوحوستينگىندە 8،5 ميلليون بىرەگەي كورەرمەن بار.

Youtube پلاتفورماسىندا 5،4 ميلليوننان استام تىركەلۋشى (كورەرمەن) بار «Qazaqstan» تەلەارناسىنىڭ دا ناتيجەلەرى وتە جاقسى.

ايتالىق، «Qazaqstan» تەلەارناسىنىڭ 100 سەريالى «زامانداستار» حيكاياسى YouTube-تە 17 ميلليوننان استام قارالىم جينادى. جالپى العاندا، پلاتفورمادا سەريالدىڭ بارلىق كورىنىستەرىنىڭ ۇزاقتىعى 17045 ساعاتقا جەتتى. سەريالدى قازاقستاندىقتار عانا ەمەس، قىرعىزستان، رەسەي، موڭعوليا، قىتاي، وزبەكستان جانە اقش كورەرمەندەرى تاماشالادى.

سەريال ەل تاۋەلسىزدىگىنىڭ 30 جىلدىعى قارساڭىندا ءتۇسىرىلدى. وندا قازاقستاندىقتارعا مەملەكەتتىڭ ەگەمەندىك العاننان كەيىنگى وڭ وزگەرىستەرى تۋرالى ايتىلادى. باستى كەيىپكەرلەر بۇكىل ەلمەن بىرگە تابىس پەن قيىندىقتاردى باستان كەشكەن ءارتۇرلى ۇرپاق وكىلدەرى.

YouTube قولدانۋشىلارى اتالمىش سەريالعا ءتۇرلى پىكىر بىلدىرەردە: قازاقستاندا كينويندۋستريا قارقىندى دامىپ كەلە جاتقانىن، ال سەريالدا رولگە جاقسى ۇيلەسكەن شەبەر ارتيستەر تۇسكەنىن اتاپ وتكەن.

بۇرىن-سوڭدى بولماعان پرەمەرالاردىڭ ءمىنسىز ماۋسىمىن «حابار» تەلەارناسى تانىستىردى. كورەرمەن كوزايىمىنا اينالعان «كەلىنجان-3» سەريالى رەكوردتىق قارالىم سانىن جيناپ، YouTube ۆيدەوحوستينگى ترەندتەرىنە كىردى.

وتباسىلىق قۇندىلىقتاردى دارىپتەيتىن سۇيىكتى «كەلىنجان-3» كومەدياسىنىڭ جالعاسى بارلىعى 15 سەريا بويىنشا 26 ميلليوننان استام قارالىم جينادى. تىكەلەي كورسەتىلىم (ترانسلياتسيا) بارىسىندا سەريال YouTube ترەندتەرىنىڭ العاشقى قاتارلارىن تۇراقتى تۇردە ۇستاپ تۇردى. قازاقستاندىق وتباسىنىڭ ءومىرىن الەمنىڭ 50-گە جۋىق ەلى كورىپ وتىردى: سەريال وتاندىق كورەرمەن قاتار قىرعىزستان، رەسەي، وزبەكستاندىق كورشىلەرىمىز اراسىندا دا ۇلكەن سۇرانىسقا يە بولدى. سونىمەن قاتار، اقش، موڭعوليا، كورەيا رەسپۋبليكاسى، تۇركيا، ۇلىبريتانيا جانە باسقا دا ەلدەردىڭ كورەرمەندەرى دە «كەلىنجان-3» جانۇياسىمەن بىرگە جىلاپ، ك ۇلىپ وتىردى.

«حابار» تەلەارناسىنداعى وسى كۇزدىڭ تاعى ءبىر پرەمەراسى – «راۋزا» تەلەحيكاياسى - YouTube-تە 19 ميلليوننان استام رەت قارالعان. 40 ەلدىڭ كورەرمەندەرى سۇيىكتى كەيىپكەرلەرىنە 5 ميلليون ساعات بويى جاناشىرلىق تانىتتى، ال بۇل 16 سەريانى كورۋ ۋاقىتىن قۇرايدى.

«حابار» تەلەارناسى جاڭا پرەمەرالارمەن قۋانتۋدى جالعاستىرۋدا. قازىر كورەرمەندەر نازارىنا قورىقشىنىڭ مورالدىق-ادامگەرشىلىك قۇندىلىقتارى مەن قاۋىپتى جۇمىسىنىڭ قىر-سىرى تۋرالى باياندايتىن «قاقپان» حيكاياسى ۇسىنىلدى.

ءوز كەزەگىندە YouTube قولدانۋشىلارى كوپتەگەن وڭ پىكىرلەر ءبىلدىرىپ، وزدەرىنىڭ سۇيىكتى سەريالدارىن جالعاستىرۋدى سۇرايدى.

ايتا كەتەيىك، قر اقپارات جانە قوعامدىق دامۋ مينيسترلىگىنىڭ قولداۋىمەن ەل پرەزيدەنتىنىڭ اقپاراتتىق كونتەنتتى يدەولوگيالىق تولىقتىرۋ جونىندەگى وزەكتى تاپسىرمالارى اياسىندا وتاندىق تەلەارنالار بەلسەندى شارالار قابىلداۋدا.

اتاپ ايتقاندا، اعىمداعى جىلى تاريحي باعىتتاعى سەريالدىق ونىمدەردى ءوندىرۋ بويىنشا جۇمىستار جوسپارلى تۇردە جۇرگىزىلۋدە، بۇل اتالعان تاقىرىپتىڭ ۇلەسىن 30% - عا ارتتىرۋعا مۇمكىندىك بەرەدى.

 

سوڭعى جاڭالىقتار

ۇقساس جاڭالىقتار