ەكولوگيا • 16 قازان، 2021

ارال تەڭىزىنىڭ قۇرعاعان بولىكتەرىنە 1،1 ملن گەكتار سەكسەۋىل ەگىلەدى

167 رەت كورسەتىلدى

ارال تەڭىزىنىڭ قۇرعاعان ۇلتانىنا الداعى بەس جىلدا 1،1 ملن گەكتار سەكسەۋىل ەگىلەدى، دەپ حابارلايدى

وبلىس اكىمى گۇلشارا ابدىقالىقوۆا ورمان شارۋاشىلىعى قىزمەتكەرلەرىنىڭ كاسىبي مەرەكەسى قارساڭىندا سالا قىزمەتكەرلەرىمەن جۇزدەستى. جۇزدەسۋدە ايماق باسشىسى قىزىلوردا وبلىسىنىڭ ەلىمىزدىڭ ءشولدى ايماعىندا ورنالاسقانىن اتاپ ءوتتى.

ەكولوگيالىق ايماقتا قونىس تەپكەن وڭىردە ورمان شارۋاشىلىعىنىڭ ورنى بولەك. «تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ باستاۋىمەن ارال تەڭىزى جانە سول اۋماقتى ەكولوگيالىق ساۋىقتىرۋ باعىتىندا ناقتى جۇمىستار اتقارىلۋدا.

وبلىستا 6،5 ملن. گەكتاردى قۇرايتىن مەملەكەتتىك ورمان قورىنىڭ 3،4 ملن. گەكتارى - ورماندى القاپ. ونىڭ 89 پايىزىندا نەگىزگى ورمان قۇراۋشى سەكسەۋىل اعاشى ورنالاسقان. سىر ءوڭىرىنىڭ تابيعاتىن ساۋىقتىرۋ، ورماندى ساقتاۋ، ەگۋ، قورعاۋدا سالا ماماندارىنىڭ ۇلەسى زور»، دەدى وبلىس اكىمى.

جۇزدەسۋدە اتالعان سالانىڭ بىرقاتار قىزمەتكەرى قىزىلوردا وبلىسىنىڭ قۇرمەت گراموتاسى جانە وبلىس اكىمىنىڭ العىس حاتىمەن ماراپاتتالدى. سالا ارداگەرلەرى مۇرات تولەعۇلوۆ پەن مىرزامۇرات يبراەۆ ايماق باسشىسىنا ورمانشىلارعا كورسەتكەن قۇرمەتى ءۇشىن العىس ءبىلدىردى. ارىپتەستەرىن ءوڭىردى جاسىل جەلەككە وراپ، ودان ءارى كوركەيۋىنە اتسالىسۋعا شاقىردى.

الداعى بەس جىل ىشىندە 1،1 ملن گەكتار الاڭدا فيتوورمانمەليوراتسيالىق جۇمىستار جۇزەگە اسىرىلادى. بيىل 100 مىڭ گەكتار سەكسەۋىل ەگىلەدى. ول 2022-2025 جىلدار ارالىعىندا جىل سايىن 250 مىڭ گەكتاردى قۇرايدى.

كەلەشەكتە فيتوورمانمەليوراتسيالىق جۇمىستار ءۇشىن حالىقارالىق ۇيىمداردىڭ (دۇنيەجۇزىلىك بانك، USAID، گەرمان ىنتىماقتاستىق قوعامى (GIZ) قارجىسى تارتىلادى. دۇنيەجۇزىلىك بانكتىڭ قايتارىمسىز قارجىسى ەسەبىنەن كەلەسى جىلدان باستاپ «قازاقستان لاندشافتارىن قالپىنا كەلتىرۋ جونىندەگى» جوبا اياسىندا قاجەتتى سەكسەۋىل كوشەتتەرىن دايىنداۋ ءۇشىن تۇراقتى ورمان پيتومنيگىن قۇرۋ، ورمان شارۋاشىلىعى مەكەمەسىنە قاجەتتى تەحنيكالار ساتىپ الۋ ويلاستىرىلىپ وتىر.

وعان قوسا ارال تەڭىزىنىڭ قۇرعاعان ۇلتانىنىڭ 500 مىڭ گەكتارىن كارتاعا ءتۇسىرۋ، 100 مىڭ گەكتارىنا جوبالىق ىزدەستىرۋ جانە قىزىلوردا قالاسى ماڭىندا 3 مىڭ گەكتارعا جاسىل ايماق قۇرۋ بويىنشا جۇمىستار باستالادى.

ەسكە سالساق، الداعى ۋاقىتتا ارالدا «بالىقشىلار» ساياباعى اشىلادى.

 

 

سوڭعى جاڭالىقتار

ۇقساس جاڭالىقتار