كەشە ورتالىق كوممۋنيكاتسيالار قىزمەتىندە وتاندىق تاۋار وندىرۋشىلەر ءباسپاسوز ءماسليحاتىن وتكىزدى. وندا ۇلتتىق ۆاليۋتا باعامىنىڭ تۇزەتىلۋىنە قاتىستى ايتىلدى.
بريفينگكە «قازاگرويننوۆاتسيا» اق باسقارما توراعاسىنىڭ ورىنباسارى ءازىمحان ساتىبالدين, «ورداباسى قۇس» جشس ديرەكتورى مۇرات تاعاەۆ جانە «اۋىل شارۋاشىلىعى ونىمدەرىن وڭدەۋ قازعزي ديرەكتورى داريعاش شايمەردەنوۆا قاتىستى. ولار تەڭگە باعامىنىڭ وزگەرىسى تۋرالى ايتىپ, ونىڭ وتاندىق تاۋار وندىرۋشىلەرگە تيگىزەر پايداسى جونىندە اڭگىمەلەدى. مىسالى, م.تاعاەۆتىڭ سوزىنە قاراعاندا, اتالعان كاسىپورىن وندىرگەن تاۋارىنىڭ 70 پايىزىن ىشكى نارىققا شىعارادى ەكەن. ال, قالعان 30 پايىز ونىمدەرى كورشى رەسەيگە ەكسپورتتالاتىن كورىنەدى.
قازىرگى ۋاقىتتا ۇكىمەت كاسىپورىنعا قولداۋ كورسەتۋمەن قاتار, ىشكى نارىقتا كۇركەتاۋىققا قاجەت جەم-ازىقتىڭ باعاسىن كوتەرمەۋگە بەل بۋىپ وتىر. بۇدان شىعاتىن قورىتىندى, ەگەر جەم-ازىق باعاسى بۇرىنعى باعاسىندا تۇرسا, كاسىپورىننىڭ ەت ءونىمىنىڭ قىمباتتاۋىنا ەشقانداي نەگىز جوق. ايتكەنمەن, كاسىپورىن بۇدان بىلاي ەكسپورت كولەمىن ارتتىرىپ, ودان تۇسەر تابىستى بارىنشا مولايتۋدى كوزدەپ وتىر ەكەن. تەڭگە باعامىنىڭ كەزەكتى تەڭگەرىمى وسى تۇرعىدا كاسىپورىننىڭ جاڭا جوبالاردى قولعا الۋىنا مۇمكىندىك بەرمەك.
ءسوز كەزەگىن العان ءا.ساتىبالدين ورىن العان جاعدايعا بايلانىستى جەكە پىكىرىن ايتا كەلىپ, «قازاقستاندا ازىق-تۇلiك قورى جەتكiلiكتi, كۇندەلiكتi تۇرمىستا قولدانىلاتىن نەگiزگi ازىق-تۇلiك تۇرلەرi ەلiمiزدە وندiرiلەدى. سونداي-اق, استىق ەكسپورتتاۋشى iرi ەلدىڭ ءبىرىمىز. ەت ەكسپورتى بويىنشا دا الەمدiك نارىققا شىعىپ جاتىرمىز. سوندىقتان, باعا شارىقتاپ كەتەدى دەپ الاڭداۋدىڭ قاجەتى شامالى», دەدى.
– تەڭگە باعامىنىڭ وسى تۇزەتىلۋى وتاندىق ءونىم وندىرۋشىلەرگە الەمدىك نارىقتا ءوز ورنىن ناقتىلاپ الۋعا كومەكتەسەدى دەپ سانايمىن. ماسەلەن, ەلىمىز جىل سايىن 10 ملن. تونناعا جۋىق استىق ەكسپورتتايدى. ول التىن ءونىم قىمباتقا باعالانىپ جاتسا, باعام ءوزگەرىسى اۋىل شارۋاشىلىعىنىڭ وركەندەۋىنە دە سەپتىگى تيەدى ەمەس پە؟! دەمەك, تەڭگە باعامىنىڭ تۇزەتىلۋىنىڭ كولەڭكەلى جاقتارىن عانا ەمەس, تۇتاس ەلگە كەلەتىن پايداسىن دا ەسكەرگەن ءجون, – دەپ شەگەلەدى ءسوزىن د.شايمەردەنوۆا.نۇرباي ەلمۇراتوۆ,
«ەگەمەن قازاقستان».
