كەزدەسۋ بارىسىندا قازاقستانداعى «بەلارۋس ورامى» كوپپاتەرلى تۇرعىن ءۇي اۋدانىنىڭ قۇرىلىسى, بەلارۋس قۇرىلىس ماتەريالدارىن ساتاتىن ساۋدا ءۇيىن اشۋ, كەراميكالىق پليتكالار ءوندىرىسى بويىنشا بىرلەسكەن كاسىپورىن قۇرۋ جوبالارى تالقىلاندى.
قايىربەك وسكەنباەۆ بيىل تامىز ايىنىڭ سوڭىندا وتكەن قازاقستاندىق دەلەگاتسيانىڭ ساپارىن ۇيىمداستىرعانى ءۇشىن بەلارۋس تاراپىنا العىسىن ءبىلدىردى.
پاۆەل ۋتيۋپين ءوز كەزەگىندە ەلدەرىمىز اراسىنداعى ىنتىماقتاستىق الەۋەتى جوعارى ەكەنىن جانە وسى باعىتتا جۇمىستى جالعاستىرۋ قاجەتتىگىن ايتتى.
كەزدەسۋ سوڭىندا قاتىسۋشىلار سۇحبات ءۇشىن ريزاشىلىقتارىن ءبىلدىرىپ, قازاقستان مەن بەلارۋس اراسىنداعى قارىم-قاتىناستاردى ودان ءارى دامىتۋدىڭ ماڭىزدىلىعىن اتاپ ءوتتى.
