كونگسبەرگ پوليتسيا دەپارتامەنتىنىڭ ءباسپاسوز حاتشىسى ەيۆيند ااستىڭ ايتۋىنشا, وقيعا سارسەنبى كۇنى كەشكە ازىق -ت ۇلىك دۇكەندەرىنىڭ ءبىرىنىڭ جانىندا بولعان.
زارداپ شەككەندەردىڭ ءبىرى - جۇمىس ۋاقىتىندا دۇكەنگە كىرگەن پوليتسيا قىزمەتكەرى. دارىگەرلەر زارداپ شەككەندەردىڭ جاعدايى قالىپتى ەكەنىن ايتۋدا.
قىلمىسقا بارعان ادام شابۋىلدان جارتى ساعات وتكەن سوڭ ۇستالدى.
«تەراكت تۋرالى ايتۋ ءالى ەرتە, ۇستالعاننان جاۋاپ الۋ جالعاسۋدا», دەدى كونگسبەرگ پوليتسيا دەپارتامەنتىنىڭ وكىلى.
نورۆەگيا پرەمەر-ءمينيسترى ەرنا سولبەرگ وقيعانى «سۇمدىق» دەپ اتادى. ۇكىمەت باسشىسى قازا بولعانداردىڭ وتباسىنا كوڭىل ايتىپ, زارداپ شەككەندەردىڭ تەز ساۋىعىپ كەتۋىن تىلەدى.
