ءبارى – ەل يگىلىگى ءۇشىن

وتكەن سەيسەنبىدە قازاقستان رەس­پۋبليكاسى ۇلتتىق بانكى تەڭ­گەنىڭ باعامىن وزگەرتۋ تۋرالى شە­شىمدى بەس ءتۇرلى فاكتورعا بايلا­نىستى قابىلداعانىن مالىمدەدى. ەڭ الدىمەن, كوپتەگەن دامۋشى ەلدەردە, اسىرەسە, بريكس ەلدەرىندە (برازيليا, رەسەي, ءۇن­دىستان, قىتاي, وڭتۇستىك اف­ريكا رەسپۋبليكاسى) ورىن ال­عان جاعداي 1 اقش دوللارىنا شاق­قانداعى ۇلتتىق ۆاليۋ­تانىڭ ءالسى­رە­گەنىن باي­قاتۋدا. ەكىنشىدەن, رەسەي رۋبلىنە قا­تىستى ايىرباس باعامى سالىستىرمالى تۇردە انىق ەمەس. ۇشىنشىدەن, تولەم بالانسىنىڭ جاي-كۇيى ەسكەرىلدى. اعىمداعى وپە­راتسيا شوتى وڭ مانگە يە ءارى يمپورتتىڭ ءوسۋ تەندەنتسياسى ساق­تال­عانىمەن دە, ول وزىندىك كەرى ىق­پا­لىن تيگىزۋدە. قازىرگى كەزدە ءوت­كەن قارجى جىلىمەن سالىستىر­عاندا تولەم بالانسىنىڭ شوتى 4 ەسە قىسقارعان, ياعني ۇلتتىق ۆاليۋ­تا­مىزدىڭ سىرتقى باسەكەگە قابى­لەتتىلىگى السىرەگەن. تورتىنشىدەن, ەكونوميكا­دا ءارتۇرلى جاعدايدىڭ ورىن الۋى بايقالدى. ناتيجەسىندە ۆاليۋتالىق الىپ-ساتۋ ارتىپ, ۇلت­تىق بانك ۆاليۋتا نارىعىنداعى وپە­راتسيالارعا ارالاسۋعا ءماجبۇر بولدى. بەسىنشىدەن, ورتا مەرزىمدى پەرس­پەكتيۆادا ينفلياتسيا دەڭگەيىن 3-4% ارالىعىنا اكەلۋ كوزدەلىپ وتىر. وسىعان بايلانىس­تى ءجۇر­گىزىلگەن جان-جاقتى تالداۋ­لار­­دىڭ ناتيجەسىندە ۇلتتىق ۆاليۋ­تا­مىزدىڭ اقش دوللارىنا شاق­قانداعى ايىرباس باعامىن 185 تەڭگە مولشەرىندە بەلگىلەۋ قاجەت­تىگى ناقتىلاندى. بۇل وزگەرىستىڭ بارلىعى جاھان­دىق ماكروەكونوميكالىق فاك­تورلاردى ەسكەرە وتىرىپ, وتان­دىق وندىرۋشىلەردىڭ سىرتقى نا­رىقتاعى باسەكەگە قابىلەتتىلىگىن ارتتىرۋ, ۇلتتىق ۆاليۋتامىزدىڭ باسەكەگە قابىلەتتىلىگىن جاقسارتۋ شەڭبەرىندە جۇرگىزىلىپ وتىر. باعام وزگەرىسىنىڭ تۇتىنۋ با­عاسى يندەكسىنىڭ وسۋىنە اسەر ەتپەي قويمايتىنى ايقىن, بىراق بۇل تولىققاندى ينفلياتسيا ەمەس ءارى قىسقا مەرزىمدى كەلەڭسىز پىكىرلەردىڭ تۋىنداۋىنا اسەر ەتىپ وتىر. سابىر ءتۇبى – سارى التىن دەگەندەي, جالپى العاندا, ۆاليۋتا ساياساتىنا قاتىستى جۇرگىزىلىپ وتىرعان بۇل شارالار ەل ەكونوميكاسىنىڭ يگىلىگى ءۇشىن جاسالۋدا. ا.مۇستافينا, ەكونوميكا عىلىمدارىنىڭ كانديداتى. الماتى.