ۇكىمەت • 13 قازان، 2021

اسقار مامين: قازاقستان – ازيا مەن ەۋروپا اراسىنداعى ترانزيتتىك كوپىر

50 رەت كورسەتىلدى

بۇل تۋرالى قر پرەمەر-ءمينيسترى اسقار ءماميننىڭ الماتىدا اشىلعان TransLogistica Kazakhstan-2021 حالىقارالىق كورمەسىنىڭ قاتىسۋشىلارىنا جولداعان قۇتتىقتاۋىندا ايتىلدى، دەپ حابارلايدى Egemen.kz.

«قازاقستان ەۋرازيا قۇرلىعىنىڭ ماڭىزدى كولىك جەلىلەرىنىڭ ورتاسىندا ورنالاسا وتىرىپ، ازيا مەن ەۋروپا اراسىنداعى ترانزيتتىك كوپىر مەن سەنىمدى سەرىكتەستى بىلدىرەدى، مۇنى كورمە مەن كونفەرەنتسياعا قاتىسۋشىلاردىڭ حالىقارالىق قۇرامى دالەلدەيدى.

«Translogistica Kazakhstan 2021» حالىقارالىق كورمەسى ترانزيتتىك-كولىك الەۋەتىن دامىتۋعا، ۇزاق مەرزىمدى جانە ءوزارا ءتيىمدى سەرىكتەستىك قاتىناستاردى ودان ءارى نىعايتۋعا ۇلەس قوساتىنىنا سەنىمدىمىن»، دەپ ۇكىمەت باسشىسىنىڭ قۇتتىقتاۋىن وقىپ بەردى قر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ.

ۆيتسە-مينيستر ءوز سوزىندە سوڭعى 15 جىلدا قازاقستاننىڭ كولىك سالاسىنا 35 ملرد اقش دوللارىنا جۋىق قاراجات سالىنعانىن ايتىپ ءوتتى.

«قازاقستان كولىك سالاسىن جانە كولىك دالىزدەرىنىڭ ترانزيتتىك الەۋەتىن دامىتۋ ءۇشىن زور كۇش-جىگەر جۇمساۋدا. ۇكىمەت پەن قر يدم بىرقاتار سالالىق باعدارلامالاردى ىسكە اسىردى، سالانىڭ قۇقىقتىق نەگىزى قالىپتاستى، كولىك قىزمەتتەرىن كورسەتۋ ءۇشىن قولايلى باسەكەلەستىك ورتا قۇرىلدى.

سوڭعى 15 جىلدا ەلىمىزدىڭ كولىك سالاسىنا شامامەن 35 ملرد اقش دوللارى سالىندى»، دەپ اتاپ ءوتتى ول.

ونىڭ ايتۋىنشا، بۇگىندە قازاقستان ارقىلى 11 حالىقارالىق ترانزيتتىك ءدالىز وتەدى (5 تەمىر جول جانە 6 اۆتو). رەسپۋبليكالىق، وبلىستىق جانە اۋداندىق ماڭىزى بار اۆتوموبيل جولدارىنىڭ جالپى ۇزىندىعى شامامەن 100 مىڭ كم قۇرايدى. تەمىر جولدىڭ ۇزىندىعى – 21 مىڭ كم. قازاقستاندا 20 اۋەجاي بار، ونىڭ 18-ءى ازاماتتىق اۆياتسيانىڭ حالىقارالىق ۇيىمى (يكاو) تالاپتارىنا سايكەس كەلەدى. اعىمداعى جىلعى 2-11 تامىز ارالىعىندا وتكىزىلگەن ICVM شەڭبەرىندە يكاو ۇشۋ قاۋىپسىزدىگىنىڭ حالىقارالىق ستاندارتتارىنا سايكەستىك دەڭگەيى (84% - عا دەيىن) ارتتىرىلدى. يكاو-نىڭ وبەكتيۆتى باعالاۋى قر يدم جۇرگىزەتىن رەفورمالاردىڭ وڭ اسەرىن كورسەتەدى.

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار