ءمينيستردىڭ ايتۋىنشا, 9 اي ىشىندە مەملەكەتتىك بيۋدجەتكە 7 تريلليون 912 ميلليارد تەڭگە كولەمىندە كىرىس ءتۇسىپ, جوسپار 104%-عا ورىندالعان. سونىڭ ىشىندە رەسپۋبليكالىق بيۋدجەتكە 5,1 تريلليون تەڭگە ءتۇسىپ, جوسپار 100,1%-عا ورىندالعان.
«جالپى, كىرىستەر بويىنشا جوسپار 7 ميلليارد تەڭگەگە اسىرا ورىندالدى. ونىڭ ىشىندە سالىقتار 22 ميلليارد تەڭگەگە اتقارىلسا, سالىقتىق ەمەس تۇسىمدەر 17 ميلليارد تەڭگەگە اتقارىلمادى. سالىقتار بويىنشا اسىرا ورىنداۋدىڭ نەگىزگى سومالارى كورپوراتيۆتىك تابىس سالىعىنا, پايدالى قازبالار وندىرۋگە سالىناتىن سالىققا جانە ىشكى ءوندىرىس تاۋارلارىنا سالىناتىن قوسىلعان قۇن سالىعىنا تيەسىلى بولدى», دەپ اتاپ ءوتتى ۆەدومستۆو باسشىسى.
ول, سونىمەن قاتار, كورپوراتيۆتىك تابىس سالىعىنىڭ جوسپارى 672 ءىرى سالىق تولەۋشىنىڭ مالىمدەلگەن اۆانستىق تولەمدەرى 66,4% ۇلعايۋىنا بايلانىستى اسىرا ورىندالعانىن حابارلادى.
