ونىڭ سوزىنشە, مەملەكەتتىك بيۋدجەتتىڭ شىعىستارى 99,7%-عا, رەسپۋبليكالىق بيۋدجەتتىڭ شىعىستارى – 99,8%-عا, جەرگىلىكتى بيۋدجەتتەردىڭ شىعىستارى 99,7%-عا اتقارىلدى.
وتكەن جىلدىڭ ۇقساس كەزەڭىمەن سالىستىرعاندا بيۋدجەتتەردىڭ بارلىق دەڭگەيلەرىندە اتقارىلۋ پايىزى جوعارى. رەسپۋبليكالىق بيۋدجەت بويىنشا سوماسى 11 ترلن تەڭگەگە شىعىستار جۇرگىزىلدى. اتقارىلماۋ 19 ملرد تەڭگەنى قۇرادى, ونىڭ ىشىندە 6 ملرد تەڭگە - ۇنەمدەۋ. يگەرىلمەگەنى - 13 ملرد تەڭگە, دەپ ءتۇسىندىردى جاماۋباەۆ.
قارجى ءمينيسترى قاي مينيسترلىكتەر قوماقتى قارجىنى يگەرە الماي وتىرعانىن ايتتى.
يگەرىلمەۋدىڭ نەعۇرلىم ءىرى سومالارى مادەنيەت جانە سپورت, دەنساۋلىق ساقتاۋ, ادiلەت, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىندە قالىپتاستى. يگەرىلمەۋدىڭ نەگىزگى سەبەپتەرى: تولەم ناقتى كورسەتىلگەن قىزمەت كولەمى بويىنشا جۇرگىزىلگەن, ورىندالعان جۇمىس اكتىلەرىنىڭ, شوت-فاكتۋرالاردىڭ ۋاقىتىلى ۇسىنىلماۋى, قازىناشىلىق ورگاندارىنا تولەم شوتتارىن كەش ۇسىنۋ, سوتتا مەملەكەت مۇددەسىن قورعاۋ جونىندەگى تالاپ-ارىز جۇمىستارىن جۇرگىزۋ, دەپ ايتتى ەرۇلان جاماۋباەۆ ۇكىمەتتە.
