قازاقستاننىڭ ويىنشىلارى اراسىنان بۇل مەجەگە تەك يۋليا پۋتينتسەۆا عانا جەتكەن ەدى. العاشقى اينالىمداردا گەرمانيالىق اندرەا پەتكوۆيچ پەن ءوزىنىڭ وتانداسى ەلەنا رىباكينانى جولىنان ىعىستىرعان پۋتينتسەۆا ءۇشىنشى كەزەڭدە لاتۆيالىق ەلەنا وستاپەنكومەن كەزدەستى. 24 جاستاعى بالتىق جاعالاۋىنىڭ وكىلى 2017 جىلى رولان گارروستىڭ جەڭىمپازى اتانىپ, 2018 جىلى ۋيمبلدوننىڭ جارتىلاي فينالىنا دەيىن جەتكەن. WTA تۋرنيرلەرىندە ءتورت رەت توپ جاردى. وسى تابىسىنىڭ ارقاسىندا ول الەمنىڭ بەسىنشى راكەتكاسى اتاندى. قازىرگى كەزدە ەلەنا ۇزدىكتەر تىزىمىندە 29-ورىندى يەلەنۋدە. وكىنىشكە قاراي, وسىنداي مىقتى تەننيسشىگە يۋليانىڭ ءالى جەتپەدى. بۇل تارتىس 6:3, 2:6, 6:3 ەسەبىمەن وستاپەنكونىڭ پايداسىنا شەشىلدى.
ەستەرىڭىزگە سالا كەتەيىك, 17 قازانعا دەيىن سوزىلاتىن ينديان-ۋەللستەگى جارىس الەمدەگى كوپتەگەن مىقتى تەننيسشىنىڭ باسىن قوستى. ونىڭ جۇلدە قورى 8 359 455 دوللاردى قۇراپ وتىر.
