ونەر • 11 قازان، 2021

«اتامەكەن» ونەر ورداسى اشىلدى

120 رەت كورسەتىلدى

ورال قالاسىندا «اتامەكەن» اتتى ونەر ورداسى اشىلدى. ءۇش قاباتتان تۇراتىن، جالپى اۋماعى 25 مىڭ شارشى مەتر­دەن تۇراتىن اقشاڭقان سارايدىڭ ساحناسى نەمىس جانە فرانتسۋز اكۋستيكالىق ءھام جارىق-تەحنيكالىق جابدىقتارىمەن جاراقتالعان.

قازاقستان رەسپۋبليكاسى تا­ۋەل­سىزدىگىنىڭ 30 جىلدىعىنا تارتۋ رەتىندە ۇسىنىلىپ وتىرعان ونەر سارايى شىن مانىندە وتە سالتاناتتى، عاجايىپ ارحيتەكتۋرالىق ۇلگىدە سالىنعان ەكەن. عيمارات قۇرىلىسىنا قاراشىعاناق پەترو­لەۋم وپەرەيتينگ ب.ۆ كومپانياسىنان وبلىستىڭ الەۋمەتتىك سالاسىن قولداۋعا بولىنەتىن 9 465 254 ملن تەڭگە جۇمسالعان. ءىشى-سىرتى اسەم وڭدەلگەن ونەر ورداسىنىڭ ۇلكەن كورەرمەن زالى 926 ادامعا ارنالعان. قاجەت كەزىندە اۆتونومدى ەلەكتر قۋاتىن قوسىپ، قىزمەت كورسەتە بەرەتىن، سۋرەت گالەرەياسى، ءتۇرلى ۇيىرمەلەر شوعىرلانعان ءساندى سارايدىڭ اۋا الماستىراتىن قۇبىرىنىڭ عانا ۇزىندىعى 20 شاقىرىمعا جەتەدى ەكەن. ۇرىم ستيلىندەگى الىپ كولوننالار، ترا­ۆەرتين، گرانيت، ءمارمار سىندى قىمبات تاستارمەن وڭدەلگەن ەدەن مەن قابىرعالار ەرەكشە اسەرگە بولەيدى. جىلى اۆتوتۇراعى، كورەر­مەن­دەرگە جانە ونەرپازدارعا ار­نال­عان كافەسى، 50 جانە 25 ادام سيا­تىن ءماجىلىس زالدارى، 36 ادام­دىق كونفەرەنتس-زالى، تولىپ جات­قان قىزمەتتىك بولمەلەرى بار الىپ عيماراتتى كۇردەلى كەشەن دەسە جاراسادى.

– تۋعان ەلىمىزدە تۇعىرىمىز بەرىك، حالقىمىزدىڭ مارتەبەسى اسقاقتاپ تۇرۋى ءۇشىن جاڭادان سا­لىنعان ونەر ورداسىنا «اتا­مەكەن» اتاۋىن بەردىك. بۇل اتاۋ ءوڭىردىڭ دامۋىنا ەڭبەگى سىڭگەن زيالى قاۋىم وكىلدەرىنىڭ ۇسىنىسىمەن قويىلدى. ونەر شاڭىراعىنىڭ تۇڭعىش پرەزيدەنت الاڭىندا بوي كوتەرۋىنىڭ سيمۆوليكالىق ءمانى بار. ويتكەنى كيەلى تاۋەل­سىزدىگىمىزدى باياندى ەتۋدە ەلبا­سىمىزدىڭ ەڭ­بەگى ۇشان-تەڭىز. ءسان-سالتاناتى كەلىسكەن ونەر ورداسى ۇلتىمىزدىڭ رۋحانيا­تىنا قوسىلعان تامشىداي بول­سا دا ۇلەسىمىز دەپ ەسەپتەيمىز. پرە­زيدەنتىمىز قاسىم-جومارت توقاەۆ بيىلعى جولداۋىندا «قازىرگى مىندەت – حالقىمىزدىڭ جاڭا بولمىسىن قالىپتاستىرۋ، تۇتاس ۇلت ساپا­سىن ارتتىرۋ، جاڭارعان ۇلت قانا جاڭعىرعان ەلدىڭ جەتىستىگىن جاھان جۇرتىنا تانىستىرا الادى» دەپ اتاپ ءوتتى. رۋحانياتقا جۇم­­سالعان قارجى – بولاشاققا سا­لىنعان كىرپىش دەپ ءتۇسىنۋ قاجەت. ماسەلەن، وسىدان 20 جىل بۇرىن ەل تاۋەلسىزدىگىنىڭ 10 جىلدىعى­نا وراي ورالدا بۇرىن-سوڭدى بول­ماعان ساۋلەتتىك ۇلگىدە قازاق دراما تەاترى بوي كوتەرگەن ەدى. ول ونەرگە سۋساعان حالىقتىڭ ءشو­­لىن باستى، ەلدىڭ ەڭسەسىن كو­تەر­دى. بۇگىنگى اشىلىپ وتىرعان ەڭ­سەلى ونەر ورداسى دا سول ىزگى باس­تامانىڭ زاڭدى جالعاسى، – دەدى ءوڭىر باسشىسى عالي ەسقاليەۆ ءوزىنىڭ قۇت­تىقتاۋ سوزىندە.

اقجايىق ءوڭىرى مادەنيەتى­نىڭ ەڭ ءبىر قۋانىشتى كۇنىنە قازاق­ستان رەسپۋبليكاسى پرەمەر-
ءمي­­­نيسترىنىڭ ورىنباسارى ەرالى توع­جانوۆ باستاعان ۇكىمەتتىك دەلە­گا­تسيا­سىنىڭ ساپارى ءدوپ كەلگەن ەكەن. وبلىستاعى بىرقاتار الەۋ­مەت­تىك نىساندى ارالاپ شىق­­قان ەرالى لۇقپان ۇلى ونەر سا­را­­يىنىڭ اشىلۋ سالتانا­تىنا قا­تىسىپ، ءسوز سويلەدى.

– بۇگىن وبلىستا جۇزەگە اسى­­رى-
لىپ جاتقان ۇلكەن جاڭالىق­تار­­عا كۋا بولدىق. قاسىم-جو­مارت كە­مەل­ ۇلىنىڭ حالىققا ار­نا­عان جول­داۋىندا قويعان ناق­­تى باعىتتار بويىنشا جۇ­مىس جۇرگىزدىك. ونىڭ ىشىندە كوروناۆيرۋس ىندەتىمەن كۇرەس جۇر­گىزۋگە بايلانىستى مەديتسينا سالا­سىنداعى بىرقاتار ماسەلە كوتەرىلدى. ءبىلىم سالاسى بويىنشا وبلىس دەڭگەيىندە شەشىلىپ جاتقان جانە 2022 جىلعا دەيىنگى شەشىلە­تىن ماسەلەلەردى بىرگە تالقىلادىق. مۇمكىندىگى شەكتەۋلى جاندارعا قولداۋ كورسە­تەتىن ورتالىقتاردىڭ اشىلۋىنا كۋا بولدىق. بيزنەس سالاسى وكىلدەرىنىڭ الەۋمەتتىك سالاعا – ونەر مەن بىلىمگە ەرەكشە كوڭىل اۋدارعانىن، ناقتى ءىس-ارەكەتىن كور­دىك. ەلدىڭ ءوسۋى مەن ءونۋى ەڭ الدىمەن ونىڭ مادەنيەتىمەن تىكە­لەي بايلانىستى. بۇگىن الىستان قاراعاننان-اق جۇرەكتى باۋراپ الاتىن ۇلكەن مادەنيەت ورداسى دۇنيەگە كەلدى. بۇل ەڭ الدىمەن تاۋەلسىزدىگىمىزدىڭ ارقاسى. سو­نىڭ ناتيجەسىندە سالتىمىز بەن ءداس­تۇرىمىز جاڭعىردى، ەلىمىز ەڭسەسىن كوتەردى. تاۋەلسىزدىكتىڭ ارقاسىن­دا باتىس قازاقستاندا وسىنداي ءزاۋ­لىم مادەنيەت ورداسى بوي كوتەردى. وسىنداي ونەر وردالارىنىڭ جۇ­مىس جاساۋىمەن ەلدىڭ رۋحى، حا­لىق­تىڭ نامىسى كوتەرىلىپ، تۋى­مىز بيىكتە جەلبىرەيدى، – دەدى ۇكىمەت باسشىسىنىڭ ورىنباسارى.

سالتاناتتى شاراعا اقپا­رات جانە قوعامدىق دامۋ ءمي­نيسترى ايدا بالاەۆا، ساۋدا جا­­نە ينتەگراتسيا ءمينيسترى با­قىت سۇلتانوۆ، مادەنيەت ۆيتسە-ءمينيسترى نۇرعيسا
داۋەشوۆ، مەملە­كەتتىك سىيلىق­تىڭ لاۋرەاتى، اقىن اقۇشتاپ باق­تى­گەرەەۆا، قازاقستاننىڭ ەڭبەك ەرى، سكريپكاشى ايمان مۇساقود­جاە­ۆا، قازاقستاننىڭ ەڭبەك سىڭىر­گەن قايراتكەرى، ءانشى-كومپوزيتور ءبىر­جان حاسانعاليەۆ جانە نۇر-سۇل­تان، الماتى قالالارىنىڭ، تۇركىس­تان، اتىراۋ، اقتوبە، ماڭ­عىستاۋ وبلىستارىنىڭ دەلەگاتسيالارى قاتىستى. مەيماندار ونەر ورداسىمەن تانىسىپ شىققان سوڭ تۇڭعىش كونتسەرتتىڭ كەزەگى كەلدى. داۋلەتكەرەي اتىنداعى قا­زاق ۇلت-اسپاپتار وركەسترى، كا­مە­رالىق وركەستر جانە ورىس ۇلت­تىق فولكلورلىق انسامبلدەرى، انشىلەر مەن بيشىلەر كورەرمەنگە ەرەكشە كەش سىيلادى. كونتسەرتتە جەرگىلىكتى ونەرپازدارمەن قاتار رەسپۋبليكالىق جانە حالىقارالىق كونكۋرستاردىڭ لاۋرەاتى ەلەنا نيزامۋتدينوۆا، قازاقستاننىڭ ەڭبەك سىڭىرگەن قايراتكەرى، اباي اتىنداعى مەملەكەتتىك اكادە­ميا­لىق وپەرا جانە بالەت تەاترىنىڭ ءسوليسى دينا حامزينا، قازاقستان رەسپۋبليكاسىنىڭ ەڭبەك سىڭىرگەن قايراتكەرى جاننا ورىنباسارو­ۆا، قازاقستاننىڭ حالىق ءارتىسى ايمان مۇساقوجاەۆا، تاتارستان رەس­پۋب­ليكاسىنىڭ ەڭبەك سىڭىرگەن ءارتىسى نۇرلان بەكمۇحامبەتوۆ، قا­زاقستاننىڭ ەڭبەك سىڭىرگەن قاي­راتكەرى، ءانشى-كومپوزيتور ءبىرجان حاسانعاليەۆ ونەر كورسەتتى.

«اتامەكەن» ونەر ورداسىندا­­­عى العاشقى كونتسەرتتىڭ نۇكتەسى ­ايگى­لى «اتامەكەن» انىمەن قو­يىل­دى. ايتا كەتەيىك، ونەر ورداسىنا اتاۋ بەرەر كەزدە وڭىردەگى زيالى قا­ۋىمنان ءتۇرلى ۇسىنىس بولعان ەدى. اقىرى تاڭداۋ ادامعا ەمەس، ونەر تۋىندىسىنا – قادىر مىرزا ءالى مەن ەسكەندىر حاسانعاليەۆ­تىڭ «اتا­مەكەن» انىنە ءتۇستى. بۇل اقجايىق وڭىرىندە انگە، ونەر تۋىن­دىسىنا كورسەتىلىپ وتىرعان ەكىنشى ەرەكشە قۇرمەت. بۇدان بۇ­رىن اقجايىق اۋدانىنىڭ ورتا­لىعىندا جۇبان مولداعاليەۆ پەن ءىليا جاقانوۆتىڭ «ەدىل مەن جايىق» انىنە ەسكەرتكىش ورنا­تىل­عان بولاتىن.

 

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار