ايتۋلى جارىستا قازاقستاننىڭ اتىنان سىنعا ءتۇسىپ جاتقان الماتىنىڭ «بۋرەۆەستنيگى» باق سىناۋدا. العاشقى ويىندا وتانداستارىمىز يراكتىڭ «سوۋز گاز كلۋبىنان» 2:3 ەسەبىمەن ۇتىلىپ قالعان ەدى. ەسەسىنە كەلەسى ەكى كەزدەسۋدە ءبىزدىڭ جىگىتتەر جەڭىسكە جەتىپ, ءوز جانكۇيەرلەرىن قۋانتتى. اتاپ ايتساق, ەكىنشى تۋردا جەرگىلىكتى «ناحون رادچاسيمانى» ويسىراتا ۇتتى – 3:0. كەشە شري-لانكانىڭ «سەب» كلۋبىنا سان سوقتىردىق – 3:0. قازىرگى كەزدە الماتىلىق ۆولەيبولشىلار جارىس كەستەسىندە كوش باستاپ تۇر. توپتىق تۋرنيردەگى سوڭعى باسەكەسىن «بۋرەۆەستنيك» 12-قازان كۇنى كۋۆەيتتىڭ «كامزاسىنا» قارسى وتكىزەدى.
كەلەسى توپتا يراننىڭ «سيرجان فوۋلاد», كاتاردىڭ ء«ال-ارابي سپورتس كلۋب», ءفيليپپيننىڭ «رەبيسكو», وزبەكستاننىڭ «اگمك» جانە تايلاندتىڭ «دايموند فۋد» كلۋبتارى كۇش سىناسۋدا.
