بيىلعى جىلدىڭ جەتى ايىندا قازاقستان مەن رەسەي اراسىنداعى اۋىل شارۋاشىلىعى ونىمدەرىنىڭ تاۋار اينالىمى $1,4 ملرد-تان استى, بۇل 2020 جىلدىڭ وسى كەزەڭىمەن سالىستىرعاندا 11,4% - عا ارتىق.
كەلىسسوزدەر بارىسىندا ا.ساپاروۆ رەسەي فەدەراتسياسىمەن شەكارادا جۇكتەردى تەكسەرۋ پروتسەسىن جەدەلدەتۋدى ۇسىندى. ايتا كەتەيىك, اعىمداعى جىلدىڭ قىركۇيەك ايىندا وتكەن قازاقستان مەن رەسەي اراسىنداعى وڭىرارالىق ىنتىماقتاستىق فورۋمدا قازاقستان پرەزيدەنتى قاسىم-جومارت توقاەۆ شەكارادا جۇك تاسىمالداۋ ماسەلەسىن كوتەرگەن بولاتىن.
«بۇل بىزگە اوك ونىمدەرىنىڭ قازاقستاندىق ەكسپورتىن ۇلعايتۋ بولىگىندە تاۋار اينالىمىن وسىرۋگە مۇمكىندىك بەرەدى. اتالعان شارانى جۇزەگە اسىرۋ ءۇشىن ءوزارا تىعىز ءىس - قيمىل جاساۋ جانە جۇكتەردى تاسىمالداۋ كەزىندە تۋىندايتىن پروبلەمالارعا جەدەل ارەكەت ەتۋ قاجەت», دەدى اۋىل شارۋاشىلىعىنىڭ ءبىرىنشى ۆيتسە-ءمينيسترى ايداربەك ساپاروۆ.
رەسەي تاراپى ءوز كەزەگىندە, شەكارادان ءوتۋ كەزىندە پروبلەمالار تۋىنداعان جاعدايدا جەدەل ارەكەت ەتۋ ءۇشىن ەكسپورتتاۋشى-كاسىپورىنداردىڭ تىزىلىمىمەن الماسۋدى ۇسىندى.
كەزدەسۋ 2021 جىلدىڭ 5-8 قازان ارالىعىندا قر اۋىلشارۋاشىلىعى ءمينيسترىنىڭ ءبىرىنشى ورىنباسارى ايداربەك ساپاروۆتىڭ جەتەكشىلىگىمەن قر اۋىلشارۋاشىلىعى مينيسترلىگى دەلەگاتسياسىنىڭ «التىن كۇز-2021» رەسەيلىك اگروونەركاسىپتىك كورمەسىن ارالاۋ اياسىندا ءوتتى. قر اشم وكىلدەرى ۇسىنىلعان ازىرلەمەلەرمەن, رەسەيدىڭ وڭىرلەرىنىڭ بىرقاتار پاۆيلوندارىنىڭ ونىمدەرىمەن تانىستى, رەسەي فەدەراتسياسى اۋماعىنداعى الەمدىك اوك ونىمدەرىن وندىرۋشىلەر مەن قايتا وڭدەۋشىلەر قاتارىنا جاتاتىن الەۋەتتى ينۆەستورلارمەن كەزدەسۋلەر وتكىزدى.
بۇدان باسقا, «التىن كۇز - 2021» اگروونەركاسىپتىك كورمەسىن ارالاۋ شەڭبەرىندە اۋىل شارۋاشىلىعىنىڭ ءبىرىنشى ۆيتسە-ءمينيسترى ا. ساپاروۆ رف اۋىل شارۋاشىلىعى ءمينيسترى د. پاترۋشەۆتىڭ, سونداي-اق «ميراتورگ» حولدينگى سياقتى اگروبيزنەس وكىلدەرىنىڭ جانە ت. ب. قاتىسۋىمەن ەكىنشى حالىقارالىق اگروونەركاسىپتىك فورۋمعا قاتىستى.
«التىن كۇز» - بۇل سالا ماماندارى ءۇشىن اۋقىمدى ىسكەرلىك باعدارلامانى قامتيتىن, رەسەيلىك اۋىلشارۋاشىلىق تاۋار وندىرۋشىلەرىنىڭ جەتىستىكتەرىنىڭ اۋقىمدى كورمەسى. بيىلعى جىلى كورمەنىڭ تاقىرىپتىق باعىتتارى اگرارلىق سەكتوردىڭ, عىلىم مەن يننوۆاتسيانىڭ وزەكتى تاقىرىپتارى بولدى. كورمەگە رەسەيدىڭ وڭىرلەرى مەن تاياۋ شەتەلدەردەن كوپتەگەن ەكسپونەنتتەر قاتىستى.
