بۇل تۋرالى قر ۇلتتىق وليمپيادا كوميتەتى مالىمدەدى.
«2022 جىلدان باستاپ ءبىزدىڭ ۆەلوكوماندا ەلىمىز ءۇشىن ەرەكشە ماڭىزعا يە Astana Qazaqstan Team جاڭا اتاۋىمەن ونەر كورسەتەدى. ۆەلوشاباندوزداردىڭ جەيدەسى مەن كوماندا لوگوتيپىندە ەلىمىزدىڭ اتاۋى بولادى. بۇل ءبىر جاعىنان ءداستۇر ساباقتاستىعىن بىلدىرسە, ەكىنشى جاعىنان قازاقستان ءيميلدىن حالىقارالىق ارەنادا تانىتۋ جانە وتاندىق ۆەلوسيپەد سپورتىن دامىتۋ سىندى ەكى ماڭىزدى ماقسات جولىندا جاڭعىرۋ ساتىنە اينالماق.
جوبانىڭ ەكىنشى تىنىسى اشىلىپ, ول جاڭا دامۋ جولىنا كوشۋگە دايىندالىپ جاتىر. قازاقستان ۆەلوسپورت فەدەراتسياسى جاڭا كوماندانىڭ دامۋىندا جانە جوسپارلارىن ىسكە اسىرۋدا ماڭىزدى رولگە يە بولعانى ءۇشىن قۋانىشتىم. ءبىزدىڭ فەدەراتسيا Astana Qazaqstan Team كوماناسىنىڭ ديرەكتورلار كەڭەسىنە دە, مەنەدجمەنتىنە دە قاتىساتىنى ءۇشىن قۋانىپ وتىرمىن», دەدى قازاقستان ۆەلوسپورت فەدەراتسياسىنىڭ پرەزيدەنتى نۇرلان سماعۇلوۆ.
سونداي-اق بۇل شەشىمگە كوماندانىڭ باس مەنەدجەرى الەكساندر ۆينوكۋروۆتا پىكىر ءبىلدىردى.
ء«بىزدىڭ كوماندا Astana Qazaqstan Team اتتى جاڭا برەندپەن داميتىنىنا قۋانىشتىمىن. بۇل كوماندا باسشىلىعىنا باس مەنەدجەر رەتىندە قايتا ورالعانىمدى ماقتان تۇتامىن. 16 جىل بويى «استانا» جوباسى ەلىمىزدىڭ الەمدىك سپورتتاعى ۆيزيتتىك كارتوچكاسى. قازاقستان رەسپۋبليكاسىنىڭ باسشىلىعىنا كوپجىلدىق قولداۋ مەن سەنىم ارتقانى ءۇشىن العىس ايتامىن.
Astana Qazaqstan Team – كوماندانىڭ جاڭا اتاۋى عانا ەمەس, بۇل جوبانىڭ جاڭارتىلعان فيلوسوفياسى. قازىرگى كەزەڭدە جاڭا ماۋسىمدا دايىندالىپ جاتىرمىز. سونداي-اق قوسىمشا جوبامەن دە اينالىسۋدامىز. ول تۋرالى تاياۋدا حابارلايمىز», دەدى ا. ۆينوكۋروۆ.
