اتاپ ايتساق, ۇرلىق, بۇزاقىلىق, كولىك قۇرالدارىن الكوگولدى ىشىمدىك ءىشىپ باسقارۋ جانە ەسىرتكى زاتتارىن زاڭسىز ساقتاۋ. سونداي-اق كامەرالاردىڭ كومەگىمەن 27 ۇرلىق پەن 34 بۇزاقىلىق جانە 13 توناۋ انىقتالدى.
«بەينەباقىلاۋ كامەرالارىنىڭ كومەگىمەن ۇساق بۇزاقىلىق ءۇشىن 3511 ادام, ال سپيرتتىك ىشىمدىكتەر نەمەسە قوعامدىق ورىندارعا ماس كۇيىندە كەلگەنى ءۇشىن 2486 ادام اكىمشىلىك جاۋاپكەرشىلىككە تارتىلدى. سونىمەن قاتار, جول قوزعالىسى ەرەجەلەرىن بۇزعان 6014 جۇرگىزۋشىگە قاتىستى اكىمشىلىك حاتتامالار تولتىرىلدى», دەيدى وسكەمەن قالالىق پوليتسيا باسقارماسىنىڭ باستىعى, پوليتسيا پولكوۆنيگى اندرەي مۋلا.
ونىڭ ايتۋىنشا, 9 اي ىشىندە وسكەمەن قالاسى پوليتسيا باسقارماسىنىڭ جەدەل باسقارۋ ورتالىعىنا قىلمىستار مەن وقيعالار تۋرالى 113 904 حابارلاما تۇسكەن. تاۋلىگىنە ورتاشا ەسەپپەن 102 ارناسىنا ازاماتتاردان 300-دەن 430-عا دەيىن قوڭىراۋ تۇسەدى.
بەينەباقىلاۋ كامەرالارى نەگىزىنەن ازاماتتار كوپ جينالاتىن ورىنداردا, قالانىڭ قىلمىس كوپ بولادى-اۋ دەگەن اۋماقتارىندا, قوعامدىق ورىنداردا, ورتالىق قيىلىستاردا ورناتىلعان.
