الەمدەگى ەڭ قاۋىپسىز ەلدەر: قازاقستان قاي ورىندا؟

بۇل تۋرالى FinProm  مالىمدەدى.

ەلدىڭ يندەكسى - 46,23. بۇل رەيتينگتە ۇپاي نەعۇرلىم جوعارى بولسا, سوعۇرلىم ەل قاۋىپسىز بولادى.

مەملەكەتتىڭ يندەكسى 20-دان تومەن بولعان جاعدايدا, ەلدەگى قاۋىپسىزدىك دەڭگەيى وتە تومەن بولىپ سانالادى, 20-دان 40-قا دەيىنگى ارىلىق «تومەن», 40-تان 60-قا دەيىن «ورتاشا», 60-تان 80-گە دەيىن «جوعارى», 80-نەن جوعارى «وتە جوعارى» دەگەندى بىلدىرەدى.

تمد ەلدەرى اراسىندا: ارمەنيا ˗ 10-ورىن, ازەربايجان ˗ 34-ورىن, وزبەكستان ˗ 37-ورىن, رەسەي ˗ 52-ورىن, مولدوۆا ˗ 76-ورىن, ۋكراينا ˗ 81-ورىن. قىرعىزستان مەن بەلارۋستىڭ كورسەتكىشى قازاقستاننان تومەن ەكەنىن كورۋگە بولادى.

الەمدەگى ەڭ قاۋىپسىز ەلدەردىڭ ۇزدىك ۇشتىگىنە كاتار, بىرىككەن اراب امىرلىكتەرى مەن تايۆان ەنىپ وتىر.  ءتىزىمىنىڭ سوڭىندا ۆەنەسۋەلا تۇر.

ايتا كەتەرلىگى, جىل باسىنان بەرى ەلىمىزدە 114 مىڭعا جۋىق قىلمىستىق قۇقىق بۇزۋشىلىق تىركەلدى, ونىڭ 29 مىڭى اۋىر جانە اسا اۋىر ساناتقا جاتادى. بۇل كورسەتكىش بىلتىرعى دەڭگەيمەن شامالاس.

قىلمىستىق جاعدايدىڭ باسىم بولىگى الماتى قالاسىندا تىركەلگەن (18,1 مىڭ وقيعا). قىزىل ايماققا ەلوردا, (11,6 مىڭ قۇقىق بۇزۋشىلىق) الماتى وبلىسى (10,8 مىڭ قۇقىق بۇزۋشىلىق) ەنىپ وتىر.

قىلمىستىق وقيعا قىزىلوردا وبلىسىندا از تىركەلگەن (2,5 مىڭ وقيعا).

ەلدە كوبىنە ۇرلىق (38,7 مىڭ ءىس), الاياقتىق (29 مىڭ ءىس), ۇساق ۇرلىق (7,8 مىڭ ءىس), ەسىرتكى مەن پسيحوتروپتىق زاتتاردى ساتۋ, زاڭسىز وڭدەۋ (4 مىڭ), جول قوزعالىسى ەرەجەلەرىن بۇزۋ (2,3 مىڭ جاعداي) تىركەلگەن.