«قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ دەرەكتەرى بويىنشا, 2020 جىلى كامەلەتكە تولماعاندار جاساعان 1 873 قۇقىق بۇزۋشىلىق تىركەلگەن, بۇل 2016 جىلعا قاراعاندا 44%-عا از (3 343 بىرلىك). كامەلەتكە تولماعاندار قۇقىق بۇزۋشىلىقتاردىڭ ۇشتەن ءبىرىن الكوگولدىڭ اسەرىنەن جاسايدى», دەلىنگەن حابارلامادا.
سونىمەن قاتار, ۇلتتىق بيۋرو قۇقىق بۇزۋشىلىقتار سانىنىڭ جالپى قىسقارۋىنا قاراماستان, جاسالعان ارەكەتتەردىڭ اۋىرلىعى ازايماعانىن العا تارتتى. اۋىر جانە اسا اۋىر قۇقىق بۇزۋشىلىقتار سانى 2016 جىلى 653 جاعدايمەن (19,5%) سالىستىرعاندا 2020 جىلى 750 جاعدايدى (جالپى سانىنىڭ 40%) قۇرادى.
ەڭ ۇلكەن ۇلەستى (53,6%) مەنشىككە قارسى قۇقىق بۇزۋشىلىقتار (ۇرلىق جانە توناۋ), الاياقتىق – 8,2% جانە اۆتوكولىك ۇرلاۋ – 4,3% قۇرايدى. قۇقىق بۇزۋشىلىقتار قۇرامىندا ۇرلىق پەن توناۋدىڭ ۇلكەن ۇلەسىنە قاراماستان, 2016 جىلمەن سالىستىرعاندا ولاردىڭ سانى تيىسىنشە 52,4%-عا جانە 68,2%-عا تومەندەدى.
سونىمەن قاتار, سوڭعى 5 جىلدا كامەلەتكە تولماعاندار اراسىندا سوتتالعانداردىڭ سانى ازداپ ءوستى. 2020 جىلى ولاردىڭ سانى 396 ادامدى قۇرادى (2016 جىلى 378), ونىڭ ىشىندە باس بوستاندىعىنان ايىرۋعا 63 ادام (15,9%), 52 كامەلەتكە تولماعان ادام شارتتى تۇردە, 6 ادام قوعامدىق جۇمىستارعا, 275 (69,4%) باسقا جازالاۋ شارالارىنا سوتتالعان.
