ايماقتار • 06 قازان، 2021

الماتىدا ۇشەم دۇنيەگە كەلدى

104 رەت كورسەتىلدى

الماتىلىق جاس وتباسىندا ۇشەم دۇنيەگە كەلدى، دەپ حابارلايدى Egemen.kz.

الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، 14 تامىز كۇنى الماتى قالالىق پەريناتالدىق ورتالىعىنىڭ دارىگەرلەرى 21 جاستاعى جۇكتى كەلىنشەكتى قابىلداپ، بوساندىرىپ الدى. ول ۇشەمدى دۇنيەگە اكەلدى.

«سابيلەر مەرزىمىنەن بۇرىن 902 گرامم، 924 گرامم جانە 916 گرامم بولىپ شالا تۋعان. دەگەنمەن دارىگەرلەر وسى ەكى قىز بەن ۇل بالانىڭ ءومىرىن ساقتاپ قالۋ ءۇشىن قولدان كەلگەننىڭ ءبارىن جاسادى. دۇنيەگە كەلگەن ۇشەم باستاپقىدا تىنىس الۋ اپاراتىندا بولدى. كۇتۋ كەزەڭى وڭ ديناميكاسىن كورسەتكەن سوڭ، جاڭا تۋعان نارەستەلەردىڭ جاعدايى تۇراقتالىپ، جالپى بولىمشەگە اۋىستىرىلدى. قازىرگى ۋاقىتتا بوسانعان ايەل مەن بالالارىنىڭ جاعدايى قاناعاتتانارلىق»، دەپ حابارلادى باسقارمانىڭ ءباسپاسوز قىزمەتىنەن.

جاس انا مەن ۇشەم ءبىر جارىم ايدان كەيىن پەريناتالدىق ورتالىقتان ۇيىنە شىقتى.

«تاعدىر بىزگە ۇلكەن باقىت سىيلادى. بۇلدىرشىندەرگە مۇحاممەد، ءامينا جانە سۋمايا دەگەن ەسىم بەردىك»، دەيدى بالالاردىڭ اناسى مارال جولدىباەۆا.

الداعى ۋاقىتتا بالالاردى وتباسىنىڭ تۇرعىلىقتى جەرى بويىنشا ەمحانا دارىگەرلەرى قاداعالايدى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار