«اتالعان ءىس بويىنشا سوت ونى 20 جىلعا باس بوستاندىعىنان ايىردى. 2009 جىلدىڭ مامىر ايىنىڭ باسىندا سوتتالعان ك. قىلمىستىق توپ قۇرىپ, ەسىرتكى جانە گەروين ساتقانى انىقتالدى. قىلمىسكەر ۇستالىپ, شىعىس قازاقستان وبلىسى بويىنشا قاج دەپارتامەنتىنىڭ وۆ-156/15 قاۋىپسىزدىگى ەڭ جوعارى مەكەمەسىنە قاماۋعا الىندى», دەلىنگەن حابارلامادا.
سوتتالعان رەسەيلىك ازامات مەرزىمىنىڭ كوپ بولىگى اياقتالعاننان كەيىن ەلىمىزدىڭ باس پروكۋراتۋراسىنا رەسەي فەدەراتسياسىنا ەكستراديتسيالاۋ تۋرالى ءوتىنىش جازىپ, وندا قازىرگى ۋاقىتتا ونىڭ وتباسى مەن تۋىستارى تۇراتىنىن جەتكىزگەن.
«قر باس پروكۋراتۋراسى رەسەي تاراپىنان قاجەتتى اقپارات پەن سوتتالعاندى قابىلداۋعا, جازاسىن وتەۋشىنى ەكستراديتسيالاۋعا كەلىسىم الدى», دەپ ناقتىلانعان.
ەسكە سالا كەتەيىك, ازاماتتاردى ەكستراديتسيالاۋ ەكى ەل اراسىندا جاسالعان شارتتار نەگىزىندە جۇزەگە اسىرىلادى. باس پروكۋراتۋرانىڭ مالىمەتىنشە, قازاقستان رەسەي فەدەراتسياسىمەن, وزبەكستان, قىرعىزستان, بەلارۋس, ازەربايجان, ارمەنيا, گرۋزيا جانە تاجىكستان ەلدەرىمەن ەكستراديتسيالاۋ تۋرالى كەلىسىم-شارتتار جاساسقان.
