«ەكولوگيالىق كۇن ءتارتىبى ادامزات ءۇشىن ماڭىزدى بولا باستادى. جاھاندىق جىلىنۋ مەن كليماتتىڭ وزگەرۋى ەندى تەوريالىق ماسەلە ەمەس, شىندىققا اينالدى. بۇگىندە پارنيكتىك گازداردىڭ كونتسەنتراتسياسى ەكى ميلليون جىلداعى ەڭ جوعارى دەڭگەيگە جەتتى جانە ءالى ارتىپ كەلەدى. 1990 جىلدان باستاپ كومىرقىشقىل گازى شىعارىندىلارىنىڭ جاھاندىق كولەمى شامامەن 50%-عا ءوستى», دەدى ماۋلەن اشىمباەۆ وتىرىستا.
ونىڭ ايتۋىنشا, سوڭعى ون جىل تاريحتاعى ەڭ جىلى جىل بولدى.
«سونىمەن قاتار, تەمپەراتۋرانىڭ 1 گرادۋسقا جوعارىلاۋى استىق ونىمدىلىگىنىڭ شامامەن 5% نەمەسە ودان دا كوپ پايىزعا تومەندەۋىنە اكەلەدى. تەمپەراتۋرانىڭ كوتەرىلۋى مۇزدىقتاردىڭ ەرۋىنە جانە تەڭىز دەڭگەيىنىڭ كوتەرىلۋىنە سەبەپ بولىپ وتىر», دەدى سەنات سپيكەرى.
«بۇل جاعدايدا بارلىق مۇددەلى تاراپتىڭ, ءبىرىنشى كەزەكتە جاۋاپتى ساياساتكەرلەردىڭ, ازاماتتىق سەكتور وكىلدەرى مەن رۋحاني جانە ءدىني ليدەرلەردىڭ كۇشىن بىرىكتىرۋ ماڭىزدى. جاھاندىق سىناقتار مەن قاتەرلەرگە, سوعىس, قارۋ-جاراق جارىسى, ەكسترەميزم, ناسىلشىلدىككە بىرگە قارسى تۇرىپ, عالامشاردى بىرگە قورعاۋىمىز قاجەت», دەپ تۇيىندەدى م.اشىمباەۆ.
