ايەلدەر بوكسىنان الەم چەمپيوناتىنىڭ تۇساۋى وسىدان تۋرا 20 جىل بۇرىن اقش-تىڭ سكەلەتون قالاسىندا كەسىلگەن بولاتىن. سول كەزدەن بەرى 11 جارىس ۇيىمداستىرىلدى. قازاقستان قۇراماسىنىڭ قورجىنىنا العاشقى جۇلدەنى سالعان – نازگۇل بورانباەۆا. 2003 جىلى نيۋ-دەليدە ۇيىمداستىرىلعان بايراقتى باسەكەدە قازاق قىزى قولا مەدالدى يەلەنگەن ەدى. وزدەرىنىڭ ەڭ زور تابىسىنا قىزدارىمىز 2016 جىلى استانادا شىمىلدىعى تۇرىلگەن بىرىنشىلىكتە قول جەتكىزدى. سول كەزدە نازىم قىزايباي, دينا جولامان, ۆالەنتينا حالزوۆا جانە ءلاززات كۇنگەيباەۆا التىننان القا تاقسا, جاينا شەكەربەكوۆا مەن ايجان قوجابەكوۆا قولاعا قول سوزعان-تىن.
وسىنىڭ الدىنداعى الەم چەمپيوناتىنىڭ جالاۋى 2019 جىلى رەسەيدىڭ ۋلان-ۋدە قالاسىندا جەلبىرەدى. بۇل باسەكەنى جەرلەستەرىمىز قوس قولا مەدالمەن قورىتىندىلادى. ونىڭ يەگەرلەرى – ميلانا سافرونوۆا مەن دينا يسلامبەكوۆا.
