پاكىستان مەن ۇلىبريتانيانىڭ ءدىن وكىلدەرى 6 قازاندا نۇر-سۇلتاندا وتەتىن حاتشىلىقتىڭ XIX وتىرىسىنا قاتىسۋ ءۇشىن قازاقستانعا كەلگەن بولاتىن.
بۇگىن سەزد حاتشىلىعىنىڭ جۇمىس توبىنىڭ وتىرىسى ءوتىپ, ونىڭ بارىسىندا كۇن تارتىبىندەگى ماسەلەلەر, VII سەزدىڭ تاقىرىبىن تالقىلاۋ جانە ونى وتكىزۋ فورماتى جونىندە پىكىر الماسۋ ءوتتى.
ەستەرىڭىزگە سالا كەتەيىك, الەمدىك جانە ءداستۇرلى دىندەر كوشباسشىلارى سەزىنىڭ حاتشىلىعى – سەزدىڭ جۇمىس ورگانى بولىپ تابىلادى. اتالمىش حاتشىلىق سەزدىڭ وتىرىستارى اراسىنداعى قىزمەتتى قامتاماسىز ەتەدى. بۇل جۇمىس ورگان (حاتشىلىق) 2003 جىلى قازاقستان استاناسىندا وتكەن ءبىرىنشى سەزد قاتىسۋشىلارىنىڭ شەشىمىنە سايكەس قۇرىلعان.
مۇحاممەد زيا ۋل-حاك پەن دجو بەيلي ۋەللگە مينيستر ايدا بالاەۆا حاتشىلىق جۇمىسىنا قاتىسقانى ءۇشىن ريزاشىلىعىن ءبىلدىردى.
ول ەلباسى نۇرسۇلتان نازارباەۆ باستاماشى بولعان الەمدىك جانە ءداستۇرلى دىندەر كوشباسشىلارىنىڭ سەزى دىندەر ديالوگىن جۇزەگە اسىرۋ جانە كەلىسىلگەن شەشىمدەر قابىلداۋ ءۇشىن تۇراقتى جۇمىس ىستەيتىن حالىقارالىق كونفەسسياارالىق ينستيتۋتقا اينالعانىن اتاپ ءوتتى.
