چەمپيوندىق ءتاج ءۇشىن تارتىستا «استانا» مەن «توبىلدان» قالاي دا قالماۋدى ماقسات تۇتقان الماتىلىقتار بۇل باسەكەدە بارىن سالدى. 17-مينۋتتا جواو پاۋلو ەسەپ اشسا, 30-مينۋتتا نەبويشا كوسوۆيچ مەرگەندىك تانىتتى. ودان كەيىن دە «قايراتتىڭ» ويىنشىلارى ءجيى-ءجيى شابۋىلدار ۇيىمداستىرىپ, قوناقتاردى ابدەن ساستىردى. 62-مينۋتتا ارتۋر شۋشەناچەۆ ءۇشىنشى گولدىڭ اۆتورى اتاندى. تەك باسەكەنىڭ اياقتالۋىنا ساناۋلى مينۋت قالعاندا «اقجايىق» ەسەپ ايىرماشىلىعىن قىسقارتتى – 3:1. قازىرگى كەزدە «قايرات» 44 ۇپايمەن ءۇشىنشى ورىندى يەلەنۋدە.
كوش باسىنداعى «استانا» تالدىقورعاندا «جەتىسۋدى» جەڭسە, ەلوردالىق كلۋبتى وكشەلەپ كەلە جاتقان «توبىل» قوستانايدا «ورداباسىن» ۇتتى. بۇل كەزدەسۋلەردىڭ ەكەۋىندە دە 3:1 ەسەبى تىركەلدى. نۇر-سۇلتاننىڭ فۋتبولشىلارى 53 ۇپايدى قورجىنعا سالسا, قوستانايلىقتاردىڭ ولاردان ءبىر ۇپايى كەم. وزگە ويىندار مىناداي ناتيجەمەن اياقتالدى: «قايسار» – «اقتوبە» – 0:2, «تۇران» – «شاحتەر» – 0:0, «تاراز» – «اتىراۋ» – 2:2 جانە «كاسپي» – قىزىلجار – 1:2.
