08 اقپان، 2014

چەمپيوندارعا – لايىقتى قوشەمەت

150 رەت كورسەتىلدى
جىلان جىلى جەتىسۋلىق سپورتشىلار دا ازيا، الەم چەمپيوناتتارىندا التىننان القا تاعىپ، ءدۇ­بىر­لى دودالاردا قازاقستاننىڭ كوك بايراعىن جەلبىرەتكەنى ءمالىم. «ەرىم دەيتىن ەلى بولماسا، ەلىم دەيتىن ەر قايدان شىقسىن» دەمەكشى، الماتى وبلىسىنىڭ اكىمى اڭسار مۇساحانوۆ سپورت سالاسى بويىنشا وتكەن جىل جەتىستىكتەرىن قورىتىندىلاپ،  سپورتشىلارعا لايىقتى سىي-قۇرمەت كورسەتتى. قازاقستان رەسپۋبليكاسىنىڭ پرەزيدەنتى نۇرسۇلتان  نازارباەۆ «قازاقستان-2050» ستراتەگياسىندا «دەنەشىنىقتىرۋ مەن سپورت مەملەكەتتىڭ ايرىقشا نازارىندا بولۋى ءتيىس. ناق سول سالاماتتى ءومىر سالتى ۇلت دەنساۋلىعىنىڭ كىلتى بولىپ سانالادى»، دەپ  ناقتىلادى. وسى تاپسىرمانى جۇزەگە اسىرۋ ماقساتىندا  وبلىستىق بيۋدجەتتەن 4 ملرد. 860 ملن. تەڭگە ءبولىنىپ، جامبىل اۋدانىنداعى  اققاينار اۋىلىندا جاڭا سپورتتىق-ساۋىقتىرۋ كەشەنى  پايدالانۋعا بەرىلدى. ەڭبەكشىقازاق اۋدانى شەلەك اۋىلىنداعى سپورت مەكتەبىنىڭ قايتا جاڭعىرتۋ جۇمىستارى اياقتالدى. تالدىقورعان قالاسىنداعى №1 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبىنىڭ «ەڭبەك» سپورت زالى، ۇيعىر، قاراتال اۋداندارى سپورت مەكتەپتەرى كۇردەلى جوندەۋدەن ءوتتى. بۇگىندە تالدىقورعان قالاسىنداعى «جەتىسۋ» ستاديونى مەن كوگالداعى حوككەيگە ارنالعان الاڭداردا جاڭعىرتۋ جۇمىستارى جۇرگىزىلۋدە»، دەي كەلە، وبلىس اكىمى بوكستان قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى، ازيا، الەم چەمپيوناتىندا التىن مەدال جەڭىپ العان  جانىبەك ءالىمحان ۇلى، گرەك-ريم  كۇرەسىنەن قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى، ازيا چەمپيوناتىندا التىن مەدال، الەم چەمپيوناتىندا قولا مەدال جەڭىپ العان  نۇرماحان تىناليەۆ، اۋىر اتلەتيكا بويىنشا قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، الەم چەمپيوناتىنىڭ قولا جۇلدەگەرى ۆلاديمير سەدوۆ، سۋعا جۇزۋدەن قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، ازيا چەمپيوناتىندا التىننان القا تاققان ۆيتالي حۋدياكوۆ، قازاق كۇرەسىنەن قازاقستان رەسپۋبليكاسىنىڭ سپورت شەبەرى، ازيا چەمپيونى الەم چەمپيوناتىنىڭ قولا جۇلدەگەرى امانگەلدى ساتىبالدينوۆ  سىندى سپورت ساڭلاقتارى مەن جاتتىقتىرۋشىلارىنىڭ  جىگەرلەرىن جانىپ، پاتريوتتىق تۇرعىدا كەلەلى اڭگىمە ءوربىتتى. كەزدەسۋ سوڭىنان قالىپتاسقان ءداستۇر بويىنشا  سپورتشىلار وبلىس اكىمىنە  بىلعارى دوپ جانە بەلبەۋلى كيمونو سىيلاپ، ەستەلىككە فوتوسۋرەتكە ءتۇستى. نۇربول الدىباەۆ، «ەگەمەن قازاقستان». الماتى وبلىسى.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار