بۇل تۋرالى قوردىڭ ءباسپاسوز قىزمەتى مالىمدەدى.
قىسقا مەرزىمدى سالىمدار بويىنشا مولشەرلەمە ۇلعايدى. 3 جانە 6 ايلىق مەرزىمدى جانە جيناق سالىمدارى بويىنشا ماكسيمالدى مولشەرلەمە 0,2 پايىزدىق تارماققا ۇلعايدى. بۇعان ينفلياتسيانىڭ وسۋىنە بايلانىستى بانكتەردىڭ نارىقتىق مولشەرلەمەلەرىنىڭ دە وسكەندىگى جانە دەپوزيتتەردىڭ بۇل تۇرىنە دەگەن سۇرانىستىڭ ارتقاندىعى سەبەپ بولىپ وتىر.
بۇل ەندى قىسقا مەرزىمدى (3 جانە 6 ايلىق مەرزىمدى جانە جيناق) دەپوزيتتەردىڭ جيناقتىق تارتىمدىلىعىن جانە ولاردىڭ مەرزىمسىز سالىمدار الدىنداعى ارتىقشىلىعىن نىعايتا تۇسپەك. 12 ايعا ارنالعان جيناق سالىمداردىڭ تولىقتىرۋعا بولاتىن ءتۇرى بويىنشا مولشەرلەمە 12,6%-عا دەيىن, ال تولىقتىرۋعا بولمايتىن ءتۇرى بويىنشا 13,8%-عا دەيىن تومەندەدى.
بۇل رەتتە 12 ايلىق جيناق سالىمداردىڭ تولىقتىرۋ قۇقىعى جوق ءتۇرى - ەڭ تابىستى سالىم بولىپ قالۋدا. قور نارىقتىق مولشەرلەمەلەر مونيتورينگىن نەگىزگە الا وتىرىپ, مەرزىمسىز, 12 جانە 24 ايلىق مەرزىمدى سالىمدار, سونداي-اق 24 ايلىق جيناق سالىمدار بويىنشا مولشەرلەمەلەردى وزگەرىسسىز قالدىردى.
