«مەملەكەت باسشىسى ءوز جولداۋىندا اۋىل شارۋاشىلىعى سالاسىن سۋبسيديالاۋدى قايتا قاراۋدى مىندەتتەدى. وسى ماقساتتا مينيسترلىك سۋبسيديا رەفورماسىن قايتا قاراپ, جاڭا تۇجىرىمداما ازىرلەۋگە كىرىستى. جاڭا تۇجىرىمداما اياسىندا سۋبسيديا بەرۋ كريتەريلەرى جەڭىلدەتىلمەك. سول ارقىلى سۋبسيديالاۋ پروتسەسىن باقىلاۋ دا جەڭىلدەيدى. ەكىنشىدەن, سۋبسيديالاۋ مەحانيزمى ناقتى ناتيجە مەن كورسەتكىشكە باعىتتالۋى ءتيىس. ۇشىنشىدەن, سۋبسيديا الاتىن اۋىل شارۋاشىلىعى ونىمدەرىن ءوندىرۋشىنىڭ ناقتى جوسپارى مەن جۇمىس ناتيجەسى بولۋى كەرەك. سۋبسيديا الۋشىعا جۇكتەلەتىن جاۋاپكەرشىلىك ەسەلەنە تۇسپەك. ياعني, سۋبسيديا بەرۋدىڭ ءتيىمدى ەكەنىنە كوز جەتكىزۋىمىز قاجەت. تورتىنشىدەن سۋبسيديالاۋ اياسىن كەڭەيتۋ جوسپاردا. ەندىگى ۋاقىتتا قۋاتىنا قاراماستان بارلىق سۋبەكتىلەرگە سۋبسيديا بەرىلەتىن بولادى. بۇعان دەيىن سۋبسيديالاۋدا ءىرى ونەركاسىپتەرگە اسا ءمان بەرىلىپ كەلگەن», دەدى ەربول قاراشوكەەۆ ۇكىمەت وتكىزگەن ءباسپاسوز ءماسليحاتىندا.
ءمينيستردىڭ ايتۋىنشا, الداعى ۋاقىتتا سۋبسيديانى راسىمدەۋ پروتسەسى جەڭىل بولماق.
«سۋبسيديانى راسىمدەۋدى دە جەڭىلدەتپەكپىز. بىرىنشىدەن, پروتسەستى اۆتوماتتاندىرۋ بۇل زامان تالابى. ەكىنشىدەن, ادامنىڭ قاتىسۋىنسىز قۇجاتتاستىرۋ بولۋى مۇمكىن سىبلايلاس جەمقورلىقتىڭ الدىن الادى», دەپ تولىقتىردى مينيستر.
ونىڭ ايتۋىنشا, جاڭا تۇجىرىمدامانى مينيسترلىك جانىنان قۇرىلعان ارنايى جۇمىس توبى ازىرلەپ جاتىر.
