ونىڭ ايتۋىنشا, ديزوتىن تاپشىلىعىنا جول بەرىلمەۋى ءتيىس.
«بيىل 1 قازاننان باستاپ پاۆلودار مۇناي وڭدەۋ زاۋىتىندا كۇردەلى جوندەۋ باستالادى. وسى ۋاقىتقا دەيىن وتىننىڭ جەتكىلىكتى كولەمى جينالدى. الايدا تامىز ايىندا 519 مىڭ توننا, قىركۇيەكتە 500 مىڭ توننادان استام ديزەل وتىنىن تۇتىنعاندىقتان قور دەڭگەيى جەتكىلىكسىز بولىپ قالدى. سوعان بايلانىستى مينيسترلىك ءىرى تۇتىنۋشىلارعا, سونداي-اق اۆتوجانارماي قۇيۋ ستانتسياسى جەلىلەرىنە ديزوتىننىڭ جەتكىلىكسىز دەڭگەيىن يمپورتتاۋدى ۇسىندى», دەدى ۆەدومستۆو باسشىسى.
سونىمەن قاتار زاۋىتتارداعى جونەلتۋ جوسپارعا ساي ىسكە اسىرىلىپ جاتقان كورىنەدى.
«جەرگىلىكتى اتقارۋشى ورگاندارعا – اكىمدىكتەرگە جانارماي قۇيۋ ستانسالارى مەن مۇناي بازالارىن تەكسەرۋلەرىن سۇرايمىن. سەبەبى كەيبىرەۋلەر سولياركانى ساتپاي ۇستاپ تۇرىپ, كەيىن ۇستىنەن كوبىرەك پايدا تاپقىسى كەلۋى مۇمكىن. ەنەرگەتيكا مينيسترلىگى ەلىمىز ديزوتىنسىز قالماۋى ءۇشىن ءبارىن جاسايدى», دەپ اتاپ ءوتتى ماعزۇم مىرزاعاليەۆ.
