اۋا رايى فاكتورلارىنىڭ اۋىل شارۋاشىلىعى وندىرىسىنە تەرىس اسەرىن جويۋ, سونداي-اق مال شارۋاشىلىعىنىڭ ازىقتىق بازاسىن دامىتۋ ماقساتىندا ەگىنشىلىكتە ناقتى ءارتاراپتاندىرۋ قامتاماسىز ەتىلەدى.
«اتاپ ايتقاندا:
- قازىرگى زامانعى تسيفرلىق تەحنولوگيالاردى, عارىشتىق مونيتورينگ پەن جەردى قاشىقتىقتان زوندتاۋدى پايدالانا وتىرىپ, جەر پايدالانۋشىلاردىڭ جالداۋ شارتى شەڭبەرىندە قابىلدانعان مىندەتتەمەلەردى ورىنداۋ بويىنشا قىزمەتىن باقىلاۋ تەتىكتەرى جانە ءارتاراپتاندىرۋ پروتسەسىن مەملەكەتتىك رەتتەۋ شارالارى ازىرلەنەدى;
- جاھاندىق كليماتتىڭ وزگەرۋىنە بايلانىستى اۋا رايىنىڭ تەرىس اسەرىنىڭ كۇشەيۋىنە ءوندىرىس تاۋەكەلدەرىن بارىنشا ازايتۋ قاجەتتىلىگىنە سەندىرۋ بويىنشا ءاشتو اراسىندا كەڭىنەن ءتۇسىندىرۋ جۇمىستارى جۇرگىزىلەدى;
- جايىلىمداردى ءتيىمدى پايدالانۋ ماقساتىندا ولاردى باقىلاۋدىڭ جاڭا ادىستەرىنىڭ مۇمكىندىكتەرى جانە ءتيىستى مەملەكەتتىك قولداۋ شارالارى بارىنشا پايدالانىلادى;
- جايىلىمدىق القاپتاردى تۇبەگەيلى جانە ءۇستىرتىن جاقسارتۋ, ولاردى سۋلاندىرۋدىڭ نەعۇرلىم ءتيىمدى مودەلىن قولدانۋ ەسەبىنەن اينالىمعا تارتۋ جولىمەن جايىلىمداردىڭ ونىمدىلىگىن ارتتىرۋعا جاڭا تاسىلدەمەلەر ازىرلەنىپ, ەنگىزىلەتىن بولادى», دەپ جازادى ۇكىمەت باسشىسىنىڭ ءباسپاسوز قىزمەتى.
مەملەكەت باسشىسىنىڭ تاپسىرماسى بويىنشا جەكە قوسالقى شارۋاشىلىقتاردىڭ مارتەبەسىن انىقتايتىن «جەكە قوسالقى شارۋاشىلىقتار تۋرالى» زاڭ جوباسى ازىرلەنەدى.
اۋىل شارۋاشىلىعى مينيسترلىگى زاڭ جوباسىن كەزەڭ-كەزەڭىمەن ازىرلەپ, زاڭ شىعارۋ جۇمىسىنىڭ قاعيدالارىنا سايكەس 30 جەلتوقسانعا دەيىن پارلامەنتكە ەنگىزۋدى كوزدەپ وتىر.
قازىرگى ۋاقىتتا رەتتەۋ ساياساتىنىڭ كونسۋلتاتيۆتىك قۇجاتىن ازىرلەدى جانە ادىلەت مينيسترلىگىنىڭ وڭ قورىتىندىسى بەرىلدى.
