فوتو: pixabay.com
«بەيبىت اتوم ەنەرگياسى سالاسىنا قاتىستى. ءبىز كورشىلەرىمىزدىڭ, دوستارىمىزدىڭ, وداقتاستارىمىزدىڭ, سونىڭ ىشىندە قازاقستاندا اتوم ەنەرگياسىن دامىتۋ جونىندەگى جوسپارىن مۇقيات قاداعالاپ وتىرمىز. رەسەي سەرىكتەستەرىنە, ونىڭ ىشىندە قازاقستانعا, ەگەر وسىنداي شەشىم قابىلدايتىن بولساڭىز, اەس قۇرىلىسى مەن جۇمىسىنا كومەك پەن قولداۋ كورسەتۋدى ۇسىنادى», دەدى پۋتين XVII وڭىرارالىق ىنتىماقتاستىق فورۋمىندا.
ونىڭ ايتۋىنشا, ءسوز رەسپۋبليكادا رەسەيلىك كونسترۋكتسيالى اەس سالۋ تۋرالى بولىپ وتىر.
ء«بىز, سونداي-اق رەسەيدىڭ جوعارى وقۋ ورىندارىندا اتوم ەنەرگياسىن قولدانۋعا بايلانىستى جاڭا ماماندىقتار بويىنشا كادر دايارلاۋدى قامتيتىن تۇتاس سالانى قۇرۋ تۋرالى ايتىپ وتىرمىز. رەسەيلىك ماماندار گازدى تازارتاتىن ءتيىمدى قوندىرعىلاردى ىسكە قوسىپ, تەحنولوگيالاردى جەتىلدىرىپ, اتموسفەراعا تۇسەتىن جۇكتەمەنى ۇنەمى تومەندەتۋگە تىرىسادى», دەپ اتاپ ءوتتى رەسەي فەدەراتسياسىنىڭ پرەزيدەنتى.
تۇتاستاي العاندا, ول رەسەي مەن قازاقستاننىڭ ەكولوگيا جانە جاسىل دامۋ سالاسىنداعى بىرلەسكەن جۇمىسىنىڭ مۇمكىندىگى كەڭ ەكەنىن اتاپ ءوتتى.
ەستەرىڭىزگە سالا كەتەيىك, قازاقستاندا اەس سالۋ ماسەلەسى بىرنەشە رەت كوتەرىلگەن.
