سوڭعى جىلدارى ات ۇستىندە شاۋىپ كەلە جاتىپ ساداق اتۋ ونەرى دۇنيەجۇزىندە قارقىندى دامىپ وتىر. بۇل رەتكى سايىسقا الەمنىڭ 12 ەلىنەن 22 مەرگەن قاتىستى. الەم مەرگەندەرى كورەي, ماجار (كاسساي) جانە تۇرىك (قاباق) ستيلىندە سىنعا ءتۇستى.
ماڭىزدى سايىسقا ەلىمىز اتىنان قاتىسقان تۇركىستان وبلىستىق ۇلتتىق سپورت مەكتەبىنىڭ مەرگەنى ايكوز ەرالحان سايىستىڭ العاشقى كۇنى كورەي ستيلىندە ساداق اتۋدان ۇزدىك شىعىپ, التىن مەدال يەگەرى اتانسا, كەلەسى كۇندەرى ماجار جانە تۇرىك ستيلدەرى بويىنشا قوس بىردەي كۇمىس جۇلدە جەڭىپ الدى. سونداي-اق جارىس قورتىندىسى بويىنشا جالپى ەسەپتە ەكىنشى ورىنعا يە بولىپ, حالىقارالىق جارىستىڭ ۆيتسە-چەمپيونى اتاعىنا قول جەتكىزدى.
